喜歡玩Instagram的朋友，都一定喜歡用Instagram Story功能，分享生活大小事！大家最近又有無發現，Instagram最新出的 39.0 版更新中，新加入了聚焦（Focus） 的功能，可以在IG Story中影出景深效果的相片，連單鏡頭的舊iPhone都用到，以後就可以輕鬆影靚相啦！
想影出景深效果的人像模式，現時 iPhone僅限有雙鏡頭的 iPhone 7 Plus、iPhone 8 Plus及iPhone X 型號方可，其他舊 型號想玩，就要另外安裝相機後製 app，但今次Instagram推出的功能，支援 iPhone SE 到最新 iPhone X 設備，就方便了一眾用家。
Instagram推出的介紹短片中，可見自拍或後置鏡頭，都可以影出人像景深效果。
想玩聚焦功能好簡單，只要先更新了Instagram到39.0 版或以上，打開拍攝介面，在下方轉至聚焦 （Focus），鏡頭對好人像，就可以影出靚相。
小編就以iPhone 7 作示範，只要對好相影的人像，就有明顯的景深效果：
Instagram今次更新更加入@提及（@Mention）的功能，可以方便tag出朋友！
資料來源：Instagram
【精選推介】
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
