講到最近大熱的歌，應該是快餐店內日播夜播由Gin Lee主唱的《很堅強》。因為這首歌實在太洗腦，副歌第一句：「很堅強很堅強很堅強很堅強」就連未聽過整首歌的人都會識。因為這首歌太易上口的關係，就有網民製作成「很堅強」乘以5000次。
最初Facebook專頁「我睇咗啲乜嘢」製作了「很堅強」100次，已經有網民聽足全程，後來專頁再以直播方式「很堅強」5000次，足足直播了接近4小時，Gin Lee才「唱」完整首歌。
而兩次洗腦式堅強中，Gin Lee都有留意，並分享影片，笑言：「想唔想挑戰一下你有幾『堅強』？！夠堅強就聽曬佢！」，不過就連她本人都聽不完。
所以她都有留言叫有被洗腦的網民加油。
而近四小時馬拉松式「很堅強」裡面，都有過300個網民收聽。他們笑言開始聽到有幻覺。
但似乎唔少人都好「堅強」，留言表示由放工聽到完結。
連藍奕邦都有留言。
Facebook專頁「我睇咗啲乜嘢」就問Gin Lee會否在演唱會唱足100次《很堅強》？
想不到Gin Lee回答：「encore唱足一個鐘很堅強」，未知係咪真呢？
不過她其後都嘗試不停唱著《很堅強》，在1分鐘內唱了44次，唱到自己都頂唔順。
如果真係唱足100次，可能會暈喇！
」，
App內睇文同睇片可隨時捕捉U Fun彩蛋，
換領現金券及禮品！
↓【社群送禮🎁】大派亞洲旅遊數據卡350張！第2擊！↓
↓4日無限數據！12 個地區適用！↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
