正在閱讀
袁偉豪被指大牌事件有新進展 DJ阿檸同樣遭遇類似情境

袁偉豪被指大牌事件有新進展 DJ阿檸同樣遭遇類似情境

2018.04.27

袁偉豪日前去睇《復仇者聯盟3》,被「行內人」指他態度差劣,自以為天皇巨星,事件在網上搞得沸沸揚揚。而袁偉豪在Facebook親自回應事件,指他當時認為對方食薯片太大聲,於是好心提醒。

回應一出,就引起網民熱烈討論,列出戲院不該犯的禁忌。亦有網民講到要有第三證人出來講公道說話,才可是確定誰是誰非。

延伸閱讀:睇《復仇者聯盟3》被指自以為天皇巨星 袁偉豪:只想你為他人設想

而討論發生後大約半日,又真係有第三方證人講返呢件事。

就係903 DJ阿檸喇。他在Facebook 轉載袁偉豪回應事件的原文再作分享。

原來他當時在特別場坐在「行內人」的前方,同樣發生一段小插曲。

引用阿檸所講的事發經過,就是:「噚晚套戲開始冇耐我就俾人拍膊頭,叫我坐返低,由於我一開始係挨個座位嗰度睇呢套戲,但係都有啲好緊張嘅情節嘅時候,都會想人肉zoom in,烏前咗個身去睇,咁個頭就高咗啦,我諗5cm到啦,喺我正後方嘅哩位非二打六嘅師兄都即刻叫我坐低。」

而阿檸當時為免不歡而散,沒有回應甚麼,退後並坐好,直至看畢全場。

他在最後也發表對今次事件的看法:「,真係純粹因為你真係nobody,網上公審人就點講都得,大明星問你少少嘢又講晒唔好意思又剩都係一種冒犯,套戲都未完場大家等緊彩蛋嘅時候,你係咁喺度話識人老鼠,又好騷擾咁大大聲問候人又點計?」

阿檸出post之後,袁偉豪也有在留言:「我有目睹!」

經過第三位身在特別場的觀眾講出事件,大家又有甚麼看法呢?

圖:阿檸Facebook袁偉豪Instagram