正在閱讀
小朋友遊迪士尼2大貼心舉動!攞貼紙+等巡遊表現獲職員大讚有家教

小朋友遊迪士尼2大貼心舉動!攞貼紙+等巡遊表現獲職員大讚有家教

2018.05.01

從事服務業的打工仔不時在網上透露行內辛酸史,特別是在主題樂園工作的人,有不少「奇遇」。之前曾有迪士尼員工,在網上發文鬧爆香港怪獸家長於樂園內的無禮行為。 雖然遇到不少怪獸家長,但其實都有一些窩心的小故事。

近日就有迪士尼員工在Facebook專頁「HKDL_Secret」發放正能量,遇到兩位小朋友的表現非常貼心,大讚有家教。

好多迪士尼Fans入園都會儲貼紙,過去有不少員工抱怨遇到無禮貌的家長和小朋友,不少人以一句「喂,貼紙」向職員索取貼紙,亦遇到貪心的家庭拎完又拎。

不過今次迪士尼員工就大讚遇到一位十分貼心的小朋友,有一位小妹妹去vip區攞貼紙,之後小妹妹的家長問點解攞咁多,小妹妹就答「一個俾爸爸,一個俾媽媽, 一個妹妹」。這個貼心的舉動,令到員工更加樂意派貼紙,亦大讚妹妹接過貼紙後即時講「多謝」,非常有禮貌。

除了有禮貌的小妹妹,發文者指遇到另一位小朋友在等候巡遊期間將風扇吹開職員,職員就提醒小朋友,他把風扇調轉了。

想不到小朋友看到另一位流晒汗的職員走過來時,再將風扇轉向員工的方向,為他和朋友解暑。

職員想獎勵這位乖巧的小朋友,打算送出自己擁有的4款貼紙,這時小朋友的媽媽叫仔仔只可以揀一個。送完貼紙,呢位媽媽亦「多謝咗幾次」。職員再讚在巡遊期間呢位小朋友全程都好乖。

這名迪士尼員工最後直言「有時你仔女係乖嘅, 你有家教, 唔使你出聲R, 或者俾說話人聽, 人地都心甘情願讓佢地啦。」,指出遇到有家教的小朋友,員工都會特別樂意服務他們。

延伸閱讀:貪心又無禮貌!港家長6大怪獸行為辣㷫迪士尼員工

來源:HKDL_Secret

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠