韓國女團CLC近年人氣穩步上升，當中最多香港人認識的成員當然是「港產韓星」莊錠欣(Elkie)，她是童星出身，曾經參演過TVB劇集，今年除了忙於組合的音樂活動，更開展個人活動，首次接拍韓劇《富家公子》，成為第一位參演韓劇的香港人，早前她接受「港生活」的訪問，談到原來她有一個心願，就是跟成員們一同拍超級英雄片，做「CLC版復仇者」！
今年20歲的Elkie是韓國人氣女團CLC的香港籍成員，亦是「性感小野馬」泫雅的師妹，今年2月CLC推出新碟《Black Dress》，並以全新的性感的形象示人，獲得一遍好評，而Elkie在今次回歸中繼續擔當主唱，在音樂節目上都讓人見識到她穩健的唱功的充滿魅力的台風，比初出道時進步不少。
打歌同時，Elkie今年首次接拍韓劇，問到Elkie會否希望將來跟隊友們一齊拍戲？Elkie就話當然想，至於想挑戰甚麼戲種？Elkie原來都受到近日熱爆的《復仇者聯盟3》影響，希望同隊友一齊演超級英雄片，唔知Elkie想為隊友分配甚麼角色？
「我哋嘅忙內(年紀最細成員)恩彬好大力，所以可以做雷神；我哋嘅隊長(丞延)就梗係做美國隊長；有真姐姐因為夠瘦，我覺佢可以做蜘蛛俠；變形俠醫由Sorn姐姐應該會幾得意；鐵甲奇俠由睿恩做；承姬可以做奇異博士；我自己就做緋紅女巫啦！」Elkie說。希望粉絲們有朝一日都可以睇到呢個「CLC版復仇者」啦！
講番Elkie首次拍韓劇《富家公子》，她在劇中飾演一名在韓國讀書的中國留學生，雖然她以前曾經在TVB拍劇，但她覺得今次拍韓劇的感覺都有分別：「以前做童年或者小朋友角色多，今次終於做大人角色，所以感覺都幾神奇，而且韓國習慣邊拍邊播，所以一直要keep住趕戲。」
對於Elkie的表現，CLC的隊友都給予萬二分支持，就連隊友的家人都是Elkie的戲迷，齊齊追看她的劇集，仲大讚她表現出色，但Elkie就謙虛地表示可以做得更好，不過她認為適當地鼓勵自己都十分重要，自己有努力練習過就無需後悔。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
