平時見到得意的小動物，都會忍唔住想輕輕搣牠一下，如果你有呢鋪癮的話，今次新出的「他媽哥池」就滿足到你願望！日本SEGA即將推出的倉鼠外形他媽哥池遊戲機（もっちりペット もっちまるず），就可以按住倉鼠仔兩邊面頰進行育成！
呢部他媽哥池外形似足倉鼠，共有黃色及粉紅色2款。
倉鼠仔面頰位有兩個心心按鈕，肚腩位有一個彩色屏幕，只要按壓兩邊面珠墩，就可以控制倉鼠。
玩法同就一般的他媽哥池一樣，遊戲內置了16種不同性格的倉鼠，可以進行餵食和互動令倉鼠成長。
但如果長期放置倉鼠不理的話，牠便會退化。
仲有12款小遊戲可以賺金幣，幫倉鼠佈置屋企！
倉鼠他媽哥池遊戲機最快將會於9月27日有售，每款售價為 5980 日元（未連稅），約$432港元，大家有無興趣入手呢？
來源：SEGA官方網頁
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
