正在閱讀
《深宮計》現馬國明黃心穎定情一幕 兩人壁咚睇到起雞皮

《深宮計》現馬國明黃心穎定情一幕 兩人壁咚睇到起雞皮

2018.06.22

《宮心計2深宮計》播放以來,重點都放在太平公主陳煒身上,皆因不論煒哥的演技,或是太平公主的為人,都好值得探討及研究。不過《深宮計》其實都有比較輕鬆的情節,就是馬國明與黃心穎定情一幕,已經出現了。

話說黃心穎所飾演的甘若芊一直暗戀馬國明飾演的任三恕。

劇情就講到黃心穎對馬國明朝思暮想,結果就發白日夢,FF自己向馬國明鼓起勇氣表白。

不過,她所幻想的表白內容,真係押晒韻:「一直以嚟,我根本冇當過係你阿哥,我之前咁講,係怕你驚我熱情如火,你會避開我、拒絕我,扮做你個妹真係悔不當初,其實我每日都想當你一齊過。」

見馬明冇咩反應,黃心穎繼續:「嚟送包畀你,只係想見你一面,跟你學武,係想有機會向你跨步向前,我知我做得好出面,但你半點都冇改變,我都唔知點樣表現,先至可以令你對我情意綿綿,畀我留喺你身邊,大家情牽一線。」

然後黃心穎直接對馬明表白。馬明聽到後,逐漸步近黃心穎,並且挨近壁咚,說:「你知唔知我等咗你講呢句說話好耐?」

黃心穎聽完勁開心,並且有機會「咀」馬明…

只可惜鏡頭一轉劉心悠,就知又係發夢喇!

不過據知黃心穎與馬國明因為拍《深宮計》而撻著,唔知係咪因為呢一幕,所以大家就情傾對方呢?

黃心穎亦在IG上載與男友馬明壁咚的限時動態,感受到她的興奮雀躍。

用全單押表白,大家聽到有冇起雞皮疙瘩?

圖:《宮心計2深宮計》影片截圖、黃心穎IG

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠