正在閱讀
【世界盃】睇波見到球員覺得熟口面 7個與香港藝人撞樣的球星

【世界盃】睇波見到球員覺得熟口面 7個與香港藝人撞樣的球星

2018.06.24

最近話題總是離不開世界盃。男友睇波女友都要樂意奉陪,為了打開話題匣子不脫節,都要留意一下賽事,至少搞清楚甚麼是越位,才不會讓人覺得自己是假球迷!最近有球迷睇睇下波,覺得球員熟口熟面,心想竟然有人同藝人撞樣!

奧祖亞Guillermo Ochoa(吳鎮宇)

32歲的墨西哥國家隊龍門奧祖亞,一頭爆炸髮型是他的標記,不過另一個焦點,就是他外表與吳鎮宇極為相似,有如孖生兄弟!就連吳鎮宇都知道遠方有個外貌極似他的人存在。

圖:Guillermo Ochoa IG、吳鎮宇微博

川島永嗣(余文樂)

35歲日本國家隊龍門川島永嗣,身型高大。

有時候還會留少少鬚,遠看之下有幾分似香港型男之一余文樂㗎!

圖:川島永嗣、余文樂IG

長友佑都(陳豪)

之前被指似肯亞人的陳豪,其外貌再一次成為萬能key。

因為日本國家隊的後衛長友佑都同陳豪又撞樣!尤其是笑的時候,其輪廓神態都大為相似。

圖:長友佑都、陳豪IG

馬里奧高美斯Mario Gómez García(袁文傑)

有游生之稱的袁文傑不止講波叻,仲有人同佢撞樣。

就是德國型男球員馬里奧高美斯,兩人身高同是1.89米,而且髮型酷似,望落都似餅印。

圖:Mario Gómez García、袁文傑IG

阿辛斯奧Marco Asensio(溫家偉)

效力西班牙國家隊的阿辛斯奧外表是一個陽光大男孩,看到他回眸的一剎,竟然與有「大隻仔」之稱的溫家偉有幾分相似!

圖:Marco Asensio、溫家偉IG

尼馬Neymar(沈震軒)

巴西球員尼馬一直都被人話好有型,與此同時已經被人話同香港歌手沈震軒撞樣好耐。

而沈震軒曾經都話好似,只不過出街冇俾人認錯咁解。

圖:Neymar、沈震軒IG

美斯Messi(張家輝)

到最後,又點會少得美斯?因為他同張家輝真係十足十一個餅印,每到世界盃都會被網民貼圖回帶呢!

圖:Messi IG、張家輝微博