正在閱讀
《深宮計》馬國明深情表白冧黃心穎 觀眾大讚感人睇到眼濕濕

《深宮計》馬國明深情表白冧黃心穎 觀眾大讚感人睇到眼濕濕

2018.06.26

早前《宮心計2深宮計》已播出了黃心穎幻想對住馬國明表白的片段,聽住黃心穎句句押韻的「愛的宣言」,有不少觀眾都覺得有點頂唔順,加上明眼人一睇都知係發夢,實在都冇咩驚喜。

不過話口未完,戲肉就來了。

為人木獨的任三恕(馬國明飾)終於鼓氣勇氣向甘若芊(黃心穎飾)表白。

兩人先有蕭正楠拉攏約會,到後山山坡放風箏。

其後馬國明決意向黃心穎表明心跡,來個長達三分鐘的深情對話:「你第一次送梔子花俾我嘅時候,話俾我聽,點解你喜歡梔子花,所以我都想話俾你聽,我喜歡啲乜嘢。唯一可以做嘅,就係俾你知道,更多關於我嘅事。」

最精彩的一句就是:「我好希望以後嘅日子,無論是喜是憂,都同佢一齊度過。梔子花除咗代表純潔,仲代表一生守護,永遠相伴,你願唔願意俾我一生守護你?」

黃心穎後來大受感動,立即與馬國明相擁,並且喜極而泣。

看著兩人相擁一刻,不禁覺得這是真正定情一刻。

而網民今次排除了押韻帶來的突兀感,留言表示他們是劇中最討好的一對。

而且有人被馬國明那段表白感動,睇到眼泛淚光,大讚拍得好感人。

圖:《宮心計2深宮計》影片截圖、黃心穎IG