【黃子華棟篤笑】職場、情場生存之道！重溫子華神歷年經典金句
男神黃子華今個7月舉行一連26場的《黃子華棟篤笑金盆「口浪」口》棟篤笑，今次子華神講明，如無意外今次將會是他最後一次舉行棟篤笑，此消息一出，令許多粉絲大感惋惜。子華神過往的作品中曾經爆出不少經典金句，唔知今次的棟篤笑中，子華神又會唔會有新金句送畀大家？開騷前，不如同大家一齊回味子華神歷來精彩金句！
職場生活類：
「每一個上司都係冇料架喎，如果唔係就唔使請下屬啦，做下屬嘅就係幫上司做曬佢哋唔識做嘅嘢」--劇集《棟篤神探》
「比份糧你，一半係比你要嚟做嘢，另一半係比你要嚟受氣嘅。」--劇集《棟篤神探》
「辦公室精英4大入職要求：HEA做、假度、虛應、陪笑。」--劇集《絕代商驕》
社會現況類：
「賣保險既性質係乜嘢？就係每日同人講：阿生，你聽日會死架喇喎，後日會死喎，你呀爸又可能會死架喎！快啲黎買保險！」--劇集《棟篤神探》
「我不是亂講粗口的人，你們大家都知道我是一個有文化的人，不毒的那些我不講的。我一直都認為「冚家鏟」是一句好毒的粗口，一家都殺（罵）完了，不管你家族有多大，是不是。但是現在我知道有句話比這句毒好多，那就是『負家產』！」--楝篤笑《冇炭用》
「你係佔中，定反佔中，係睇你，視乎香港呢個病有幾重。我聽過一男一女對話係咁嘅:『你想整容呀？整容可能變成毀容呀!』嗱，信呢句說話嗰個人，可能就係周融喇，唔好亂搞嘢，『毀融』。」--《黃子華2014棟篤笑 唔黐線唔正常》
「人類有人類自己的食物鏈，人類的食物鏈簡單好多，只有3種：最下層係無產，中層係中產，頂層係冚家產。係絕無不敬的成分，因爲頂層的人唔係房產，權產就係遺產，名符其實冚家都係產，所以我哋好多時叫冚家產會加乜嘢？冚家富貴。」--楝篤笑《兒童不宜》
感情哲學類：
「兒女私情，與其拖泥帶水，不如一刀兩斷。」--劇集《奸人堅》
「你係醜，但醜係無罪丫嘛，但係唔知醜就罪大惡極喎。」--劇集《奸人堅》
「一個男人點都會hurt過一兩個女人。但作爲一個女人一世未俾男人hurt過，咁就係真正嘅hurt啦！」--劇集《My盛Lady》
「你愛嘅，你得唔到；你唔愛嘅，你甩唔到。」--楝篤笑《兒童不宜》
「係呢個世界上有100分嘅男仔，仲有100分嘅女仔，但係就冇100分嘅伴侶。」--劇集《My盛Lady》
「公主病有兩大問題：第一，其實呢啲人係狗主，就以爲自己係公主，呢隻仲係冇狗添；第二，公主病嘅人，往往以爲王子係最正㗎啦！即係王子又唔會打老婆，又唔會出去滾，又唔會放屁嗰啲。最緊要呢啲王子係盲㗎，會認爲狗主就係公主。」--劇集《My盛Lady》
「男人喺愛情上係要求新鮮，女人對愛情最大要求就係保鮮。」--楝篤笑《拾下拾下》
「感情呢家野呢，你預左系唔OK概，你就OK。」--劇集《絕代商驕》
「化妝就係你落咗妝，我仲認得你，你落咗妝，我唔認得你，嗰啲叫做喬裝。」--楝篤笑《兒童不宜》
其他精選金句：
「一千幾百，猶如垃圾，富貴於我如浮雲，但是浮雲於我如命根啊。」--劇集《男親女愛》
「世事無絕對，只有無頭緒！」--劇集《棟篤神探》
「若要人不知，唔好太低B！」--劇集《棟篤神探》
「人生三大矛盾：搵食啫！犯法啊？我想㗎？」--《拾下拾下拾年棟篤笑》
「尊嚴幾錢啊？在宜家『粗鹽』都貴過『尊嚴』。」--劇集《男親女愛》
「有恩不報未算差，有仇不報正人渣。」--劇集《奸人堅》
「你咁戇居嘅，你好學唔學，做咩要死呀？你死嘅時候，死會嚟搵你呀，你去搵佢？」--劇集《奸人堅》
「年輕人無嘢叻，最叻係否定一切，佢（兒子）唔係叫我老竇，係叫我腦殘、喪屍，話我咩都唔理，一味淨係識搵錢！」--舞台劇《前度》
「牛生你作為一位明星都算爛口，喺符號學上嚟講，你用ABCDE，Do Re Mi Fa So嚟代替呢啲粗口都可以，譬如你叫我做『AB仔』，咁就順耳得多喇，又譬如你要問候我媽媽，你可以改口『我AB你CD個E呀』，『我Do Re你個Mi 嘅Fa So』，咁係咪可以代替吓？」--電影《精裝難兄難弟》
「當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我重偉大過偉大嘅藝術家，因爲我知道，我死後都唔會受到尊重。」--《娛樂圈血淚史》
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】SmileLife™ Probio益活 厚生益菌元↓
↓提升腸道益菌，加強免疫力｜改善易敏體質，對抗濕敏↓
