正在閱讀
張繼聰同囝囝張瞻Battle 囡囡寧願投入哥哥懷抱唔揀爸爸

張繼聰同囝囝張瞻Battle 囡囡寧願投入哥哥懷抱唔揀爸爸

2018.07.05

張繼聰與謝安琪的女兒張靖(Karina)已經一歲!有睇過張繼聰的IG都知,他經常都會把囝囝張瞻與Kakaball的互動上載,係人都知哥哥一向都錫到妹妹燶,睇見哥哥氹Kakaball個樣咁冧,睇見都覺心甜。

話說張繼聰IG上載了新片段,見到Kakaball坐在中間,張繼聰與囝囝分別坐在左右兩邊。

兩人不停叫Kakaball,妹妹似乎站在人生交叉點,想著揀哪一方好。

Kakaball時而走向張繼聰,臨到對方面前又折返走向哥哥,一來一回令他們都感到攞攞攣!

經過多返折騰,Kakaball終於走向哥哥那邊,James馬上對鏡頭報以勝利的笑容,而張繼聰感到挫敗並躺在地上,非常搞笑。

其實Kakaball平時都好鍾意同哥哥玩,因為哥哥對佢非常有耐性,一見到妹妹,表情馬上變得甜絲絲。

就好似早前張繼聰上載另一條短片,見到哥哥好熱情地教妹妹用英文講1至10,而且一臉滿足。

見到有個咁錫妹妹的哥哥,有網民都覺得Kakaball好幸福,大讚好有愛!

圖:張繼聰IG