鍾嘉欣拍隨性陀B照宣布今胎係仔仔　5個圈中影孕照最靚女星

其實早幾日嘉欣都有上載巨肚照，左右兩邊分別有藍色同粉紅色心心，叫大家估下BB係男定女。

而今日再出Post開估，心心只剩下藍色一邊，證明係仔呀！

相中見到嘉欣BB個肚已經好大個，而相片風格非常清新隨性，嘉欣BB坐在床上，非常從容，很期待BB仔出世。

而圈中有唔少準媽媽或者媽媽都會在懷孕過程及生B之後影輯靚相，為小生命留下一個重要的回憶，而這些照片都有落過心思。

就好似胡杏兒，與老公Philip特意在陀B之前拍一輯高貴型格照，已經非常恩愛。

而她「卸貨」之後，特意再與老公，再帶埋囝囝Brendan補拍一張有型全家福，非常有意思。

而官恩娜懷有第二胎Aurélie之前，她與老公及囝囝Gabriel拍了一輯小清新風格的家庭照。

Ella一身白色通花連身裙，用靚媽來形容她實在當之無愧。

至於Dear Jane主音Tim與老婆楊洛婷迎接女兒Tanya之後，為此而拍全家福。三人互相依偎，非常溫馨。

還有陳智燊與宋熙年這對恩愛夫妻，雖然BB未出世，但都有與在腹中的BB拍家庭照。

後來去旅行，陳智燊都有從後擁抱宋熙年，並摸著肚拍照，盼望BB的出世。

圖：鍾嘉欣、胡杏兒、官恩娜、楊洛婷及宋熙年IG