正在閱讀
傳3星明年推摺屏機! 外型似銀包售價過萬

傳3星明年推摺屏機! 外型似銀包售價過萬

2018.07.21

較早之前就有消息指Samsung有意推出摺疊式智能手機,當消息傳出時一眾用家都表示十分驚訝,而最近華爾街日報就聲稱收到可靠消息指Samsung將會推出以Winner做代號的摺疊式智能手機,華爾街日報更預計會在2019年開賣,一齊睇下Samsung有機會推出的摺疊式手機係咩樣先!

其實早在2017年的Samsung財政報告中就有透露過Samsung已開始著手設計摺疊式手機的外型,令一眾三星迷十分興奮,但怎料時隔一段日子都仲未有發布的消息。

不過最近就有有關Samsung摺疊式手機的消息再度流出。

根據外國媒體Engadget消息指,這款新手機的屏幕有可能為7吋大,而且仲可以好似銀包一樣摺埋。

另外,手機的側面有一條顯示條,而機身後面亦將會設有相機,但相機的像素就暫時未有資料。

根據消息指,Samsung積極研究摺疊式手機是希望公司除了有Galaxy S 同Galaxy Note系列之外,可以再創一個新的旗艦系列。

新手機的價錢大約為US1,500則約港幣$11,670,比之前Note 9估計定價$9,107更貴,不過始終為新技術,賣貴一點也情有可原,不過一切都要睇到實際產品先可以定奪。

話雖如此,一切消息仲未得到有關方面確實,一切資料以Samsung發布為準。

資料及圖片來源:Android Authority,CNET,Engadget