正在閱讀
Switch超騎呢模擬外科手術Game 2人聯手開刀玩到崩潰!

Switch超騎呢模擬外科手術Game 2人聯手開刀玩到崩潰!

2018.07.27

今年Switch有新遊戲登場,對用家來說當然相當開心!除了新Game外,亦有不少舊Game移植到Switch。最近就有款模擬外科手術遊戲《Surgeon Simulator CPR》,即將推出。遊戲話明係外科手術模擬器,當然有得體驗做手術的過程,但絕非認真專業咁簡單,而係相當惡搞兼搞笑,仲特別配合Switch版推出體感操控同雙打,到時又可以同朋友一齊玩啦!

對不少機迷來講,手術遊戲最熟悉的必定就是當年NDS的《超執刀》系列。今次《Surgeon Simulator CPR》在Switch登場,不少玩家又可以重溫開刀劏人的回憶。

 

Surgeon Simulator CPR由 Bossa Studios 開,過往《Surgeon Simulator都曾在PlayStation 4等平台推出,但都有經典的器官移植、救護車急救、為外星人做手街等場面。

 

遊戲同樣保留高難度操作的設定,例如兩隻手控制一隻手做手術,所以玩家好多時做手術其實都係虐待病人,正正因為咁先笑料百出。

 

今次登陸Switch,當然都有推出配合Joy-Con 手掣體感操控的特點,例如玩家會感受到手持的刀或工具,另外亦有HD震動。

 

今次仲新增雙打模式,可以同朋友一齊合作做手術,到時實玩到崩潰。

 

Surgeon Simulator CPR》預計在今年秋天推出,有興趣的機迷就要留意啦!

來源:Bossa Studios、FB@Surgeon Simulator

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠