男神黃子華一連26場的《金盆o浪口棟篤笑》昨晚完滿落幕，今次好大機會係子華最後一次舉行棟篤笑，所以不少圈中好友都親身買飛支持，尾場專誠捧場的有《男親女愛》的拍檔Do姐鄭裕玲、《棟篤特工》的拍檔佘詩曼、樂壇天后容祖兒等，台下星光熤熤。雖然今次開足26場，但門票依然秒殺，可能有不少朋友始終買唔到飛入場，依家就等小編同大家重溫「金盆o浪口」部份精彩金句！
- 做藝人好困難，大家對顏色喜好唔同就無得撈，「佢鍾意黃色架，死咗條屍唔要發黑，要發黃呀，黃屍嚟架，黃屍華，無得撈，呢個唔同，佢個人好憂鬱，好blue，變藍屍」點解襟撈呀？有孝心，瀨阿爺嘛，「阿爺早晨，阿爺見邊度痕？」
- 今時今日喺香港做藝人想生存最好係色盲，「黃同藍我唔識分喎，黑同白我都唔係好清楚，彩虹我識分，彩虹咖啡色嘛，彩熊即係啤啤熊啫！」
- 以前話一個人睇佢前面憎佢後面，依家唔係，係睇佢後面憎佢前面，我點知佢咩樣，睇佢籮友就知佢小器，兩楷嘢夾實晒咁，依家香港唔使睇添，聽到佢把聲，憎埋自己個friend。
- 香港大撕裂已經開始咗，點解決？無人知，因為呢樣嘢從來未發生過，有人話等於香港依家樓價係咁升，無得解決。No，香港樓價係跌過架，幾時？沙士，你想樓價跌好易架咋，試吓去睇樓，你拖隻穿山甲去囉。
- 我有咩打算？我打算長期打算，充份利用。
- 點解叫「武警」？唔係武力個「武」，係伯母個「母」，因為香港做警察首要條件係畀人問候伯母。
- 依家喺香港做警察脾氣要好過教宗，警察喺學堂最重要嘅訓練係咩？「企喺度！立正！Fxxk you！Fxxk your mother！Fxxk！Fxxk！Fxxk！Fxxk！Fxxk！」
- 好多年青人懷念香港嘅黃金年代，由香港70至90年代，我嘅黃金年華正正係香港黃金年代，即係大家懷念嘅係我，唔好叫我黃子華，叫我黃金華。
- 90年代黑社會有全世界最強公關，亞洲荷里活，香港嘅電影圈，我哋唔止10套戲有9套講黑社會，10個電影老闆直頭有5個係幫會大佬，其實唔止5個咁少，其實10個裡面有8個架，點解話得5個？因為有3個畀人打死咗。
- 有無諗過你聽日唔使返工唔係因為打風，係因為你老闆畀人打死咗，仲係畀對家老闆打死，即係「麥當勞休息一天，因為肯德基做咗嘢」。
- 面斥不雅咩意思？好簡單，大家心裡面有把尺，你知道應該點做，唔使講到明，面斥不雅都唔識，咁就真係面斥不雅。
- 香港嘅黃金年代，我哋去到一個境界係可以面斥不雅，全港大街小巷，因為我哋都練呢套內功：Jetso得嚟賑災，王晶得嚟家衛，佢係幫會，同時亦返教會，大家唔係聖人，但都唔係人渣，全球獨家，面斥不雅。
- 領養穿山甲，放生陳冠希。
- 為真小人爭取社會地位，不讓偽君子霸佔整個世界 。(引用黃霑名言)
- 人生在世真係須要正能量，幾多難關難過，講亦講唔清，我回首望，望住紅館，能夠與各位喺度歡樂一宵，都算係幻海奇情。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
↓【限時搶⚡】Nourwish重生育髮系列！↓
↓ 提升頭髮彈性/令頭髮變得滋潤及豐盈↓
