【九龍灣新戲院】UA聯乘十字冰室！睇戲邊食菠蘿油、歎港式奶茶

九龍灣淘大商場的影藝戲院今年三月已經結業，好多戲迷都慨嘆少咗個睇戲選擇，其實該院址已經由UA院線接手，經過5個月的裝修工程之後，UA淘大將於八月底正式開幕，大家唔愁無地方睇戲喇！UA淘大將推出不同開幕優惠，包括試業價戲票及小食優惠，而且戲院更與十字冰室合作，推出多款冰室食品，以後睇戲點止食熱狗爆谷！

UA淘大設有3個影廳，提供超過600個座位，所有影廳均採用Barco 4K鐳射投映機，其中1院設杜比全景聲 Dolby Atmos 音響系統。由開幕至12月31日期間，戲院將推出試業價優惠戲票，讓戲迷以優惠價體驗戲院的升級設備。

UA淘大推出三大開幕限定優惠，包括：

1)     8折入會UA Loyalty Club，由即日起至9月2日，淘大商場二期地下特設pop-up專櫃，大家只需$96(原價$120)就可以加入成為UA會員，換取最少兩張電影戲票，每推薦一位親友入會更可額外獲得500會員積分。

2)     UA淘大開幕後的首四個週末將派發十字冰室奶茶及雪糕新地券，詳情將稍後公布，並以店內宣傳品為準，請密切留意。

3)     九月初於淘大商場及鄰近社區亦會進行快閃巡遊，派發爆谷及優惠券，詳情請留意UA Cinemas Facebook的公佈。

地址：九龍灣牛頭角道77號淘大商場三期戲院大樓(十字冰室設於戲院旁)