正在閱讀
張繼聰囡囡識晒各種動物叫聲好醒目 問到爸爸叫聲Kakaball回應超爆笑

張繼聰囡囡識晒各種動物叫聲好醒目 問到爸爸叫聲Kakaball回應超爆笑

2018.08.24

張繼聰與謝安琪一家幸福滿瀉就係人都知,加上這對模範夫妻教兒有方,所以仔仔張瞻做哥哥之後,都好鍚細妹張靖(Kakaball)。而Kakaball亦好醒目,只是1歲的她就已經識講好多話,然後產生不少趣事,令爸爸張繼聰好開心。

張繼聰經常上載囡囡的短片到IG,分別有跳舞、玩樂片,見到張繼聰與Kakaball玩到不亦樂乎。

而最近Kakaball牙牙學語,所以阿聰都特別喜歡與她對話,甚至不停問問題,甚麼問題都好,張繼聰都會一直問Kakaball,就好似之前囡囡要飲奶,阿聰都會問不停,問到Kakaball忍不住話爸爸「曳曳」,非常可愛!

其後張繼聰再不停問問題,問到Kakaball忍唔住要跪低!

昨日張繼聰又再上載與Kakaball的短片,阿聰問囡囡各種動物的叫聲。狗、貓、鴨、牛等叫聲,Kakaball全部都識叫返出嚟。

之後張繼聰就問「高難度」題,他問Kakaball:「咁爸爸嘅叫聲係咩呀?」

Kakaball於是諗一諗,就話:「阿聰!」可能她聽慣其他家人叫爸爸做「阿聰」,所以潛移默化覺得「阿聰」就是爸爸的叫聲!

Kakaball的可愛反應,令張繼聰笑不攏嘴!

而謝安琪就留言回應,就話:「可憐呢位小朋友,每晚都要答咁多問題……」

張繼聰感覺得良好!就話似足自己!真係非常搞笑!

圖:張繼聰ig

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠