余德丞接受治療一個月後終於出院 充滿正能量:生命無take 2 ,一定會珍惜

2018.09.07

TVB新晉小鮮肉余德丞於上月初踢波時,身體感到不適,隨即送入瑪麗醫院深切治療部。余德丞昏迷約兩日後幸而甦醒,由ICU轉到心臟科病房繼續接受治療,約一個月後,余德丞在IG宣布出院了。

早前由ICU轉到心臟專科病房時,余德丞曾經透露自己心臟曾經停頓過一段頗長的時間,今次能夠醒過來,真的很幸運。

對於生命,余德丞出院後感受至深,在IG發表長文:

「感謝瑪麗醫院既醫生同護士們,見住你地早更完又夜更,又一大早巡房,又每日24小時留意住我既病情,真係辛苦你地!

感謝我既屋企人,每日擔心我病情既變化,又驚我唔知有咩需要,仲要每日頻頻撲撲幫我準備三餐。]

感謝我公司,我經理人同一班好同事,成日擔心我會鑽牛角尖亂咁唸,一得閒就開解我。

感謝我既朋友,知我一個人悶,一有空檔就嚟陪我傾計,仲要買埋生果糖水俾我食。

感謝每一位關心我既你地同支持我既 fans,係唔同既社交平台都見到有好多問候我既訊息。

雖然我未能夠一一回覆,不過我絕對感受到你地既心意。

不過坦白講,原來連續咁多日面對住一樣既三面牆,加埋打唔開既窗,感覺真係好難受!

所以我都希望今次之後,我既身體會生生性性,爭一口氣,唔好再令大家擔心。

醫生話短期之內唔可以做運動住,相信都會係我最唔習慣既。生命無 take 2 ,今次咁好彩有多一次機會,我一定會好好珍惜。

俾啲時間,等我休養多一陣,好快我就會重新出發。」

在留院接受治療期間,余德丞在醫院度過29歲生日,相信這次生日對他別具意義。

Dickson出院一事,得到大批網民祝福,更留言希望他身體健康。

全新功能《優惠日曆》登場!

↓即刻入App睇盡即日/未來7日Chill抵優惠↓

即刻入App睇盡即日/未來7日Chill抵優惠

↓「App限時搶」大派現金券!↓

↓記得逢星期三3PM入App搶!↓

記得逢星期三3PM入App搶!

評語

相關文章

獨家優惠

輕掃查看其他優惠

【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
APP獨家
【超市優惠】消委會格價網一次睇勻6大超市售價+優惠+跌價!百佳/惠康/萬寧/屈臣氏/AEON/大昌
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
APP獨家
【虎年運程2022】雲文子12生肖虎年財運+事業運勢!屬虎:聽信內幕易破財/屬蛇:轉工機會微
【團體相教學】5大搞笑團體相拍照教學 一大班朋友外出時拍照留念 好笑又好玩!
APP獨家
【團體相教學】5大搞笑團體相拍照教學 一大班朋友外出時拍照留念 好笑又好玩!