正在閱讀
【Apple發佈會2018】iPhoneXS 11大亮點率先睇 512GB容量+亮麗金色外殼!

【Apple發佈會2018】iPhoneXS 11大亮點率先睇 512GB容量+亮麗金色外殼!

2018.09.13

終於到了Apple發布會2018的日子,今次Apple發布會總共有3款iPhone發佈,當中包括有:iPhone XS、 iPhone XS Max同主打平民價錢的iPhone XR ,今次小編就為大家整合了Apple發佈會2018新iPhone的11大賣點,一齊睇下新iPhone到底買唔買得過!

1.屏幕尺寸

Apple分別發布了3款新iPhone ,而手機名稱亦一如外界所推測,新iPhone將命名為iPhone XS同iPhone XS Max 。iPhone XS 擁有5.8吋屏幕,而iPhone XS Max就擁有6.5吋屏幕,2款手機都採用OLED 屏幕。

雖然今年新iPhone的屏幕比以往的iPhone 大,但因為屏幕採用了超窄邊框設計,機身尺寸就比上一代的iPhone更輕巧,方便手細人士使用。

 

 

2.內置容量

iPhone XS同iPhone XS Max的內置容量都比以往的型號大大增加,分別提供了64GB、 256GB同512GB,大家可以瘋狂影相都唔怕用哂手機的容量。

 

 

3.顏色

顏色方面,一如外界預期,iPhone XS同iPhone XS Max將會新增金色的外殻。另外仲有比較大路的銀色同黑色可以選擇。

 

 

4.相機像素

Phone XS同 iPhone XS Max都採用雙鏡頭設計,而且同樣擁有1200 萬像素廣角及長焦距鏡頭,支援2 倍光學變焦,最多可做到 10 倍數碼變焦,更可支援拍攝4K影片。

而前置鏡頭則為700萬像素原深感測鏡頭。

 

5.相片智慧型HDR功能

Apple 發布的新iPhone在相機功能上也有提升。iPhone XS同iPhone XS Max 將會新增相片智慧型HDR功能,新手機可在用家使用HDR效果拍攝時提供不同版本的相片,例如:陰影較強的照片、光度較高的照片等等,讓用家選擇自己覺得最靚的照片。

 

6.後期調較景深功能

除此之外,iPhone XS同 iPhone XS Max相機的另一個主要賣點是用家可以利用手機為照片進行後期製作,自行調較照片的景深程度,想背景糢糊或是清晰都可以影完相後再調較,拍攝新手都可以輕易影到景深靚相!

 

 

7.支援雙Sim card功能

除此之外,今年Apple發佈會的另一個重要賣點是新發佈的iPhone將會支援雙卡功能,手機可以用時使用2個電話號碼,咁就唔使成日換sim卡啦!iPhone XS 會採用eSIM 配單實體 Nano SIM 卡,iPhone XS Max 則採用雙實體 Nano SIM 卡槽。不過雙卡雙號手機有機會只在中國推出,所以想買的朋友就要留意啦。

 

 

 

8.防水功能

2新iPhone都設有防水功能,iPhone XS同 iPhone XS Max都可以在水深達 2 米中待長達 30 分鐘而不影響手機的運作。

 

9.電池容量

而新iPhone在電池使用量方面亦有所提升,可以比iPhone 8使用多1.5小時,電池使用量更持久。

 

10.價錢

價錢方面,iPhone XS售價為港幣$8,599 起,而iPhone XS Max售價則會為港幣$9,499 ,售價接近成萬蚊,唔知大家會唔會因為價錢而卻步呢?

 

11.開售日期

2款iPhone在9月14日就會開放俾大家預訂,預計會在9月21日發貨。

 

資料及圖片來源:Apple


 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠