插畫家謝曬皮在社交網站發文，指自己今日搭港鐵時遇到乘客車廂食煙，隨即向職員舉報事件，但港鐵職員及便衣警員都草草了事。謝曬皮直斥港鐵縱容乘客在車廂食煙，罔顧乘客安全，同時質疑到底係咪自己太過緊張。不少網友留言力撐謝曬皮，指責港鐵欺善怕惡。
謝曬皮今日在社交網站發文，分享一單剛剛遇到且令人感到極度憤怒的搭車經歷。事源是謝曬皮由大圍乘搭港鐵去九龍塘，落車時遇到一個食煙的大陸男人從車廂步出，其後更在月台上吞雲吐霧。
謝曬皮見狀即通知月台上的職員，而職員只是走到這男人身邊作簡單提醒，沒有進一步的行動。
「我捉住個職員問： 「就咁就得架啦？」佢話係呀佢冇權捉住乘客，我話佢食煙係違反港鐵附例wor 你有權捉佢架，講咗陣我發覺呢個職員好驚同埋完全唔想handle 呢件事，」
於是謝曬皮再找另一位職員，呢個時候還遇到一位便衣警員，數人一同走去捉住食煙男，了解事件後，港鐵職員口頭警告了事，然後放走佢。
謝曬皮坦言唔接受就咁放佢走，覺得事件令人身安全受到威脅，擔心煙頭著火會危害整個車廂安全。
謝曬皮指整個過程「全部比我感覺都係覺得多一事不如少一事」，她開始質疑到底係咪自己反應太過緊張，不明白遇到食煙事件，為何其他乘客和職員都沒有反應。
最後直言「覺得香港已經越黎越唔安全」。
發文一出即獲得大量網民關注，留言指責港鐵職員欺善怕惡，只會對帶大提琴上車的乘客有行動。
亦有不少人大讚謝曬皮富有正義感，香港人只會批鬥關愛座，其他事情什麼都看不到，各家自掃門前雪。
亦有網友認為港鐵沒有採取行動的原因是對方是大陸人，而非香港人。
還有網友表示之前都有同樣的經歷，遇到乘客食煙，但港鐵沒有任何行動。
完整全文：
來源：FB@謝曬皮 TSE SAI PEI the incapable 圖：MTR
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
