港媽投訴糖果無蔬果成份 霸氣「老細」一句K.O.野蠻家長

有網友在Facebook「西客之道」分享在糖果店工作時遇上一位野蠻港媽，該港媽劈頭第一句就係：「叫你老細出嚟。」當網友表示老細不在香港，港媽就直接向他投訴，指兒子上次來買了一袋糖，但全部都係糖，綠色的糖果又無蔬果味，她大鬧：「我個仔點可以吸收到營養啊？你知唔知佢會食壞肚架！」

配圖：PEXELS

港媽的投訴令發文的網友大感無奈，但都保持耐性嘗試解釋，他說：「綠色糖其實有好多款，但主要都係糖果而唔係蔬果，不如試下畀多啲菜同生果小朋友食？」這句回應觸動港媽神經，即時拍檯大罵網友態度不佳，再度「傳召」老細。

配圖：Pixabay 

於是網友唯有打電話畀「老細」，開speaker對話，港媽遂向「老細」一併投訴發文網友和糖果無蔬果，「老細」聽罷，不但無向港媽低頭，反而直接罵回去：「你估我好得閒啊，你個仔唔食菜關我L事，你點做人老母，寧願畀糖自己個仔食都唔買菜，知唔知個醜字點寫呀？」之後「老細」直接cut線。

「老細」的霸氣回應殺港媽一個措手不及，雖然港媽想反擊，問係咪開門做生意，然而網友說：「我老細係就係開門做生意，但明顯係唔做你生意囉。」在眾目睽睽之下，港媽最終逃離現場。

原文如下：

唔少網友睇完都覺得港媽的行為實在令人費解，對於港媽咁都可以投訴一番實在是無理取鬧，又大讚「老細」敢於維護員工，唔怕得罪麻煩客人。

來源：FB@西客之道