正在閱讀
【跳躍生命線】鄭子誠磁性聲線演繹旁白發人深省 劇集結尾講金句帶出人生道理

【跳躍生命線】鄭子誠磁性聲線演繹旁白發人深省 劇集結尾講金句帶出人生道理

2018.10.19

TVB台慶劇《跳躍生命線》最初出街,外界沒抱太大期望,因為其陣容比起往年台慶劇似乎失色不少。可是,播出幾集之後,便開始得到網民讚賞,不止認為將救護員日常細節做得仔細,而且劇集鋪排令勾起觀眾一絲感動。因為每集結尾都會有演員作旁白總結,其對白總有著深層意思,引人深省,令網民對此做法另眼相看。

劇集金句之所以引起重大迴響,源於第6集裡面,何廣沛在學堂裡得知父親似是有危險,向長官鄭子誠要求要外出,確認父親的安全。

而鄭子誠的回應就是要等上司批准,何廣沛才可以外出。

不過心情浮躁的何廣沛等不及,於是衝動地走出學堂。就在差半步間,何廣沛收到父親報平安的電話。

而鄭子誠作為魔鬼教官,只要講過一踏出學堂半步,就會依法處理,革除何廣沛。

何廣沛知道父親平安大吉,隨後而來就是充滿後悔,於是向鄭子誠求情,希望他網開一面。

其他學員不忍何就此被革走,於是齊心合力向鄭子誠求情,對方深受感動,因為終於看到一整隊人團結起來。

最後鄭子誠的旁白便帶出他心中所想,磁性聲音令今集的大道理特別悅耳,結果得到網民大力讚好及留意。

所以觀眾也開始細味劇集最後的金句,不妨回顧一下:

第1集:「人大咗先知道,有時問問題唔一定有答案。我們唯有自己去尋求,憑蛛絲馬迹去猜度、去推斷、去大膽假設,最後原來答案就喺眼前。但有些事無論你幾聰明、幾努力,你都係冇辦法知道答案。」

第2集:「啲人成日話時間會治療一切傷口,其實錯㗎。有啲傷口,即使時間過咗幾耐,亦都冇辦法令佢復原。因為傷口並唔喺自己到,而係喺在乎你嘅人身上。每當我背脊痕嘅時候,我就知道有人就會痛,我唯一能夠做嘅就係話畀佢聽,呢一件係火舌中煉成、花紋咁特別嘅衫,喺艷陽下會閃耀獨有嘅光芒。痛過了,長出嘅不單單係新皮嫩肉,仲有堅強。」

第3集:「每一日我們都會遇到好多人,每個人出現都有意義,有啲會成為戀人知己,有啲會成為摯友良朋。佢哋嘅出現係為咗考驗你、扶助你,更多時係為咗帶出最好嘅你。每個相遇都足以影響一生,喺相遇同相分之間,我哋齊齊上咗一課,學識咗被愛,懂得去愛。」

第5集:「颱風花渡,係葡萄牙嘅民謠,拉丁文原意解係命運。花渡講嘅係人接受命運,但係命運嘅結局係悲劇居多。就好似今晚咁,命運安排我又一次見到佢,同十年前一樣,喺救護車上面。香港人係善忘嘅,但係每一次打風,總會有人提起溫黛,即使已經過咗半個世紀,依然冇辦法忘記,咁係因為嗰種摧毀實在太深刻啦。正如今次又會有人因為颱風花渡,而記住今晚。我哋唔係唔想忘記,而係無法忘記。唔係每一個對唔住,都可以有一句原諒嚟結尾。」

第6集:「有月亮嘅夜晚,星星就會黯淡,要等到雲霧收起月色,星星先可以發光發亮,一切都係相對嘅,人總係會有一刻,你一位失去所有嘅同時,竟然會係前所未有嘅得著,乜嘢係可以捨棄,乜嘢係不能放手?迷惘過後,緊隨嘅會係一顆澄明嘅心,傷痛過後,換來嘅會係更堅定嘅人生,當你以為會失去一個人,到頭來竟然會得著一整隊人,望住佢哋心意一致,目光堅定不移,今晚月色好靚,但係就無辦法掩蓋地上星光燦爛。」

第7集:「世事就係咁奇妙㗎啦。一個浪子回頭,一個嘗過死別,兩個軌跡截然不同嘅人,命運將佢哋連成一線,結為夥伴。緣淺嘅尚且如此,緣深嘅命運甚至要佢登堂入室,莫名奇妙就成為家中一份子。到底眼前人要喺你生命入面留下咩足跡?係歡欣定係傷感?係朋友定敵人?會唔會就只係簡簡單單,就好似《一代宗師》所講,世間上所有嘅相遇,都係久別重逢。」

第8集:「死亡其實唔可怕,因為更可怕嘅係別人嘅死亡。當你以為事事向好嘅方向行緊嗰陣,點會估到意外就係轉角?望見日出,捱過日落。我終於體會到無常就係救護員嘅日常,呢種滋味,日後一定會再嚐。我只係希望,苦過後,會有呢一點甜做結尾。」

圖:《跳躍生命線》影片截圖

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠