【 陳奕迅慈善演唱會】Eason中環開騷 感觸獻唱盧凱彤生前作品

歌王陳奕迅(Eason)聯同Duo Band在中環海濱舉行《L.O.V.E. is》慈善演唱會，只此一場，早前消息一出就令粉絲心急撲飛，不過Eason表明今次音樂會只作慈善演出，只招待十多個慈善機構，所以有錢都未必睇到，但都有不少歌迷站在「核心外圍」聽歌，而大會亦貼心地安排免費網上直播，令粉絲安坐家中都可聽到Eason歌聲。

Eason約於6點15分出場，話不多說，簡單多謝現場觀眾到來之後直接唱出新歌《破壞王》、《最後的嬉皮士》打頭陣，炒熱氣氛。之後，Eason將氣氛一轉，唱出兩首好友盧凱彤(Ellen)生前所寫的歌曲《海裡睡人》和《還不夠遠》，台上亦放有一把結他，象徵Ellen與Duo Band同在，而Eason獻唱時亦難掩感觸之情。緊接再獻唱《漸漸》和《黑洞》等慢歌，用靚聲傳愛。

接近尾聲時，Eason又放風聲已經積極入紙申請紅館檔期，希望明年能夠一嘗開跨年演唱會，又笑言希望老友謝霆鋒唔好同自己爭檔期，他說自己是歌手，而對方近來只係專注煮嘢食。

完整歌單如下：

1. 破壞王

2. 最後的嬉皮士

3. 海裡睡人

4.還不夠遠

5. 漸漸

6. 黑洞

7. 敬菸

8. 給兒子的信

9. 蠢

10. Beautiful fools 

11. 瘋狂的朋友

12. 猜情尋

13. Run

14. 盡力呼吸

15. 龍舌蘭

16. 和平飯店

17. 我們萬歲

18. 床頭床尾

19. 與你常在

20. 與我常在

21. 可一可再

 Encore

22. 幸福摩天輪

來源：FB@Eason Chan