【跳躍生命線】大結局後仍念念不忘 重溫多集治癒人心的精彩金句

文: Ling Kwok
2018.11.12

TVB劇集《跳躍生命線》近期大受歡迎,也是少有令觀眾覺得不是爛尾都劇集。結局雖然是大團圓,但沒有老土的BBQ場景,反而是由飾演攝影師的張國強打開相集,見到一個又一個救護員的場面,再由鄭子誠旁白作為結尾,心靈有所觸動。就趁大家還有餘韻,重溫一下多集金句。

第1集:「人大咗先知道,有時問問題唔一定有答案。我們唯有自己去尋求,憑蛛絲馬迹去猜度、去推斷、去大膽假設,最後原來答案就喺眼前。但有些事無論你幾聰明、幾努力,你都係冇辦法知道答案。」

2集:「啲人成日話時間會治療一切傷口,其實錯㗎。有啲傷口,即使時間過咗幾耐,亦都冇辦法令佢復原。因為傷口並唔喺自己到,而係喺在乎你嘅人身上。每當我背脊痕嘅時候,我就知道有人就會痛,我唯一能夠做嘅就係話畀佢聽,呢一件係火舌中煉成、花紋咁特別嘅衫,喺艷陽下會閃耀獨有嘅光芒。痛過了,長出嘅不單單係新皮嫩肉,仲有堅強。」

3集:「每一日我們都會遇到好多人,每個人出現都有意義,有啲會成為戀人知己,有啲會成為摯友良朋。佢哋嘅出現係為咗考驗你、扶助你,更多時係為咗帶出最好嘅你。每個相遇都足以影響一生,喺相遇同相分之間,我哋齊齊上咗一課,學識咗被愛,懂得去愛。」

5集:「颱風花渡,係葡萄牙嘅民謠,拉丁文原意解係命運。花渡講嘅係人接受命運,但係命運嘅結局係悲劇居多。就好似今晚咁,命運安排我又一次見到佢,同十年前一樣,喺救護車上面。香港人係善忘嘅,但係每一次打風,總會有人提起溫黛,即使已經過咗半個世紀,依然冇辦法忘記,咁係因為嗰種摧毀實在太深刻啦。正如今次又會有人因為颱風花渡,而記住今晚。我哋唔係唔想忘記,而係無法忘記。唔係每一個對唔住,都可以有一句原諒嚟結尾。

6集:「有月亮嘅夜晚,星星就會黯淡,要等到雲霧收起月色,星星先可以發光發亮,一切都係相對嘅,人總係會有一刻,你一位失去所有嘅同時,竟然會係前所未有嘅得著,乜嘢係可以捨棄,乜嘢係不能放手?迷惘過後,緊隨嘅會係一顆澄明嘅心,傷痛過後,換來嘅會係更堅定嘅人生,當你以為會失去一個人,到頭來竟然會得著一整隊人,望住佢哋心意一致,目光堅定不移,今晚月色好靚,但係就無辦法掩蓋地上星光燦爛。

7集:「世事就係咁奇妙㗎啦。一個浪子回頭,一個嘗過死別,兩個軌跡截然不同嘅人,命運將佢哋連成一線,結為夥伴。緣淺嘅尚且如此,緣深嘅命運甚至要佢登堂入室,莫名奇妙就成為家中一份子。到底眼前人要喺你生命入面留下咩足跡?係歡欣定係傷感?係朋友定敵人?會唔會就只係簡簡單單,就好似《一代宗師》所講,世間上所有嘅相遇,都係久別重逢。」

8集:「死亡其實唔可怕,因為更可怕嘅係別人嘅死亡。當你以為事事向好嘅方向行緊嗰陣,點會估到意外就係轉角?望見日出,捱過日落。我終於體會到無常就係救護員嘅日常,呢種滋味,日後一定會再嚐。我只係希望,苦過後,會有呢一點甜做結尾。」

10集:「意外要嚟,來不及說再見。緣份要走,過去的美好變成痛苦的回憶。生活艱難,人甘願承受,苦苦掙扎。因為我們仍然對生命有期待,期待有分離就會有重逢,有壞事就必然有美好。問題只是可能要承受九十九次的壞,才會有一次的好。」

12集:「人總有被騙的時候,而欺騙我們最多最深的,往往是自己。許下承諾,一個意外才知道說的是謊言;否認過去,一個動作就把你出賣。以為是恨,原來還有愛。以為還愛著,到頭來連恨也是奢求。人是不是要到死亡那一刻,才知道什麼是生命中最重要的呢?一件舊物?一塊番薯?抑或只是一個簡單的笑容?」

14集:「休息是為了走更遠的路,這個說法有很多人都聽過,但是真正明白而又做得到的人不多。如果某時某刻,你覺得身心俱疲,無力再走下去,試試停下來喝杯茶,歇一歇伸個懶腰吧。再不然,猜個謎語輕鬆一下!」

15集:「我一直以為世事無常,意外難免,人力是薄弱的。但是今天晚上我終於領悟到,在生死有命的課題前,救護員並不是孤軍作戰,因為由始至終,都有一對兄弟陪伴你左右,一路同行,它們就是希望和奇蹟。」

16集:「有人話,每個人身邊都有一個天使,他會以不同的身分、性別、年齡、樣貌出現在你的生命裡面,有需要的時候,他就會出現,伸出援手,幫助你渡過難關,重獲新生。有一種說法,指天使不止一個,可以是兩個、三個,可以是許願、守護、扶持、安慰,聆聽,很多很多。所以就算你遇到多惡劣的環境,再困苦的時刻,再崎嶇的路上,人,從來都不孤單。或者仍然有人會說,我看不見,肯定身邊一個天使都沒有。這個時候,或許你看一看自己,你就會知道,原來你已經成為了其他人的天使。」

17集:「我們曾經相信很多事,相信人可以比風更快,相信只要回到家裡,就會有家人在守候,相信放手就會擁抱更多,相信無論相隔多少年,親情的味道都不會變。而這一刻,我只要相信你所信的就足夠了。」

18集:「以為很棘手的事,一個人一句話就幫你解決,以為全力以赴,勝券在握,陌生人一個決定就讓你失望;以為前路黑暗,心慌忐忑,一個燈泡一點光就讓你安定下來。是得是失,是晴是雨,是路過,是停駐,從來都不是我們可以決定。我們能夠做的就是一天下來,在休息前,能夠向在乎在意在心中的人就句早點休息,說聲晚安。因為今天已成過去,它不會重來。」

大結局:「救護工作講求刻不容緩的救治,默默無聲的守護。時日會告訴你,風雨過後會見天晴。冬天之後,春暖就花開。傷心會過,怨恨會淡。愛,能夠修補一切。若無相欠,怎會相見?離合聚散,各有定時。生命有限,依然要笑容燦爛。曾經相伴忘形,築起情感,於柴米油鹽裡活出平凡是福,人海中你並非孤單一人。會有人默默守候。這個人,可以是我,可以是你。生命並不是一條線,而是一個圓。」

圖:《跳躍生命線》影片截圖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓