正在閱讀
【TVB台慶】藝人放閃愈來愈高調 黃翠如示愛:我喺公司搵到條佬!

【TVB台慶】藝人放閃愈來愈高調 黃翠如示愛:我喺公司搵到條佬!

2018.11.21

雖然不少網民都話《萬千星輝賀台慶》一年比一年冇咁好睇,但如果要搵值得留意的環節,其實還有不少。就好似比往年乏味的趣劇,係就係睇到好尷尬,不過意外地有放閃時刻!就好似出名恩愛的黃翠如與蕭正楠就係喇!

話說《是咁的,法官閣下》的代表藝員黃智賢與王君馨帶頭,與鄭裕玲合演短劇。

之後就由黃翠如、洪永城接棒,被問到在TVB工作有多好?黃翠如自信地說:「TVB梗係好,我喺呢度識咗條佬(蕭正楠)。」

全場聽到不禁尖叫,焦點也放在蕭正楠身上,看他有幾分害羞,十分有趣。

其後還有黃心穎與馬國明,因為馬明失聲講不出話,心穎全程幫對方答話。

當阿Bob要求馬明要咀心穎BB時,馬明點點頭,一副淡定的模樣,無懼群眾壓力。

因為他就算冇咀心穎BB,當晚台慶兩人全程都坐埋一齊,好似糖黐豆。

最後當然有袁偉豪得到視帝時,女友張寶兒被問到感受時,多次大讚男友:「你好叻呀!」

Do姐都忍唔住叫佢哋兩個結婚,袁偉豪也笑不攏嘴。

只能說TVB藝人拍拖終於可以愈來愈高調,隨時放閃。

圖:《萬千星輝賀台慶》影片截圖

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠