下星期日便是TVB台慶頒獎禮。對於黃智雯來說，今年是驗收成果、極其重要的一年。因為她飾演《三個女人一個「因」》裡擁有多重人格的方以因，角色難度偏高，但Mandy仍能駕馭得到，得到觀眾好評，有機會入圍爭視后。
今年視后的戰況激烈，先有Mandy的《三個女人一個「因」》，後有陳煒的《深宮計》，以及李佳芯的《BB來了》。
三人角色定性截然不同，完全視乎觀眾的喜好，令賽果更加難測。Mandy的《三個女人一個「因」》當時被安排在年頭出街，而且是星期日時段播放，比起其餘兩位候選視后，似乎有點輸蝕。
除此之外，黃智雯在上月台慶已先拔頭籌得到星馬視后，到底會冧莊？還是與香港視后無緣，仍是未知之數，而Mandy事實上被稱為「黑馬」，對她來說或許有點隱憂。
不過黃智雯自言已比想像中放鬆，否認《三》一劇的檔期所有配合會比其他劇集輸蝕，她樂觀地說：「至少而家都仲會有觀眾記得有呢套劇，有時見到我都會記得方以因呢個角色，記得佢入邊會住咗Pina Colada同愁擘擘，證明呢個唔算係一個問題。」
說著說著，Mandy還記起當時接拍劇集的辛苦事。
因為要極速轉換幾種角色性格，難免會有所緊張，一度擔心過效果不好，但沒想到觀眾反應正面，讓她放下心頭大石，對她而言，有觀眾的支持已經足夠。
同樣道理，在台慶頒獎禮前夕，被傳媒、外界及觀眾稱之為「黑馬」，黃智雯對此也看得很開：「又唔會聽到『黑馬』呢兩個字唔開心，覺得自己無行。佳芯同煒哥佢哋嘅劇我都有睇，我都覺得佢哋演得好好，不過我哋三個所做嘅角色真係完全唔同，Ali比較小品、煒哥氣勢比較強勁。大家都係好唔同，都會有唔同嘅人偏好。如果佢哋拎獎我都會開心，佢哋真係做得好好，我都唔會唔開心。」
黃智雯早前一口氣得兩個獎成為星馬視后，證明她的確有實力。
至於她能否再下一城，相信下星期日自有分曉，但不禁為她感到緊張。
圖：黃智雯ig
場地提供：峰景餐廳
髮型 : Jay@Hair
化妝 : Little White
服裝 : agnès b
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
