【萬千星輝頒獎典禮2018】黃智雯曾遇瓶頸擔心被定型　靠個人意志與好姊妹堅持

遇上「方以因」這個角色之前，黃智雯經常被外界定型。因為她過往所演的角色，大多都是警察、醫生，較為正經。

如《拆局專家》、《On Call 36小時》等，Mandy也是個「御用專業人士」。而她早前在台慶頒獎台上，曾經講過她對過去演技覺得慘不忍睹，就連汪阿姐這位前輩級忍不住出聲：「乜咁做戲嘅。」

令Mandy反思做戲應有的態度，於是她便堅持下去。

可是當她多做了類似角色，如正經的專業人士，黃智雯自覺到了瓶頸位。內心感到怯慌、迷失。

因為她不知道這是否極限，她說：「當時真係覺得自己Get Lost，因為入行都一段時間，但做嚟做去都係呢啲角色，係咪我做得唔夠好？又或者做嘅方式唔啱，係會有呢個疑問。」

不過，黃智雯從沒有說過放棄，她認為之所以反思，出於對演戲的熱愛，她一直尋求機會。

就算身邊的好姊妹，每位開始名成利就，彼此感情非常友好，沒有視作甚麼競爭。

「會替對方開心，因為係好姊妹。彼此之間係會互相鼓勵，佢哋有人經驗係多啲，我都會問佢哋，佢哋都會畀意見我，完全冇任何比較，亦都唔需要。」

決心，以及姊妹的鼓勵，就是黃智雯努力的泉源。遇上《三個女人一個「因」》的方以因，就是靠著這些力量，守得雲開見月明。

圖：TVB、黃智雯IG

場地提供：峰景餐廳

髮型 : Jay@Hair

化妝 : Little White 

服裝 : agnès b