正在閱讀
【兄弟姊妹去旅行】姚子羚胡定欣自然流露 抵死互動說話引人聯想

【兄弟姊妹去旅行】姚子羚胡定欣自然流露 抵死互動說話引人聯想

2018.12.05

蕭正楠、曹永廉、胡定欣及姚子羚主持的《兄弟姊妹去旅行》,遠赴瑞士拍攝旅遊節目,睇盡當地靚景。而四人因之前工作已非常熟稔,過程裡面擦出不少火花。外表斯文的姚子羚與胡定欣的互動更令觀眾出奇不意。

四人在節目裡相處自然,年紀最大的曹永廉經常成為「攻擊」對象,其餘三人常以「老人家」來稱呼他。

不過阿廉胸襟廣闊,就算被恥笑,他依然笑笑口回應,表現既大方又玩得,難怪深得圈中好友歡心。

四人走在一起,經常大講有味說話。例如曹永廉替蕭正楠拔手中倒刺,你一言他一語:「你溫柔啲啦!」、「好入呀!」、「你啜佢出嚟啦!」

然後胡定欣與姚子羚衝出來說:「你哋唔好喺街做埋呢啲嘢啦!」、「你要搞嗰啲嘢返房搞喇!」引人想入非非。

其後四人要學習瑞士傳統表演,如吹阿爾卑斯長號、揮動瑞士旗。

蕭正楠問兩位美女:「你哋唔洗學下吹嘢、玩旗呀?」姚子羚抵死回答:「我哋呢方面已經有好深嘅認識㗎啦!好叻㗎啦!」

阿廉笑說:「咪試下外國嘅吹法囉!」兩位姊妹花轉數勁快:「你又知我唔識?」、「外國吹法有咩唔同呀?」

而胡定欣與姚子羚的對答總讓觀眾估佢哋唔到,被問到:「點解吹極都吹唔起支嘢(阿爾卑斯長號)嘅?」

胡定欣說:「畀啲時間我吖!總有一天會起嘅!」然後與姚子羚相視而笑。

觀眾估唔到兩人原來都幾幽默,會講一些抵死及驚喜的言論,看著她們一來一往,感覺舒服,會有種忍唔住笑的效果。

圖:《兄弟姊妹去旅行》影片截圖

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠