《大帥哥》最初被笑由50周年台慶劇變成倉底劇，直到現在令觀眾另眼相看，實在是近期一大驚喜。有留意劇情的網民，最近就忽發奇想，覺得《大帥哥》劇中人物與日本動畫《Keroro軍曹》有相似之處！
《大帥哥》由張衛健擔大旗做主角，身旁還有徐榮、洪永城及李嘉襯托，後來還有曹永廉加入，成為一隊出生入死的軍閥。
不過網民睇睇下，就覺得人物設定、性格，都似足日本動畫《Keroro軍曹》！
至於點解？話說兩者的故事背景同樣是反派軍人。「大帥哥」張衛健必然是主角Keroro，為人意氣風發，相當有首領魅力。
其他又點分呢？飾演副帥馬炭的洪永城就令人聯想起Tamama，就連發音都有點相似，兩者同樣對主角十分服從。
而曹永廉飾演的顧落蘆，名字直頭同黃色的Kururu一模一樣，為人機靈又有小聰明，與Kururu性格非常吻合。
其後徐榮飾演義字行頭的羅義，就與Giroro非常相似，而李嘉飾演冬來，就似經常不見人的Dororo。
不論讀音、背景、人物性格都咁似！難怪網民笑言成套劇好睇咗！
就連演員之一的洪永城忍不住在IG出Post湊熱鬧，問：「我叫Dororo 定Tamama ?」
而劇情講到他要暴走，網民留言表示：「會暴走就更加似Tamama！」令劇集的趣味性增加。
圖：《大帥哥》劇照、影片截圖、洪永城ig
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
