【劉德華演唱會】華仔相隔8年再開紅館個唱 朱麗倩罕有帶囡囡現身

劉德華的跨年紅館演唱會《My Love Andy Lau World Tour》昨晚展開，首場獲不少圈中好友捧場，包括好兄弟黃日華、苗僑偉、羅家英、汪明荃、鄭中基夫婦、吳卓羲、薛家燕等，一向低調的「華嫂」朱麗倩亦罕有帶埋6歲囡囡劉向蕙現身支持。

華仔於晚上8時45分左右出場，他以全白色中山裝型仔造型登場，獻唱《預謀》打頭陣。

緊接獻唱《中國人》時，華仔就脫去外衣，大晒二頭肌打鼓，令全場歡呼不斷。他談到原定去年開騷，因為囡囡升小一會比較緊張，但最終因意外延期，這晚見到觀眾輕鬆投入，令他都能完全解放，他更感動得一度哽咽。

之後他換上粉紅色裝束活力十足獻唱《笨小孩》。

向來錫粉絲的華仔特別將紅館天花的大電視拆走，打造360度零死角舞台，而為了跟「山頂朋友」拉近距離，他唱《如果有一天》時，就站上吊台繞場一周，粉絲們有機會感受華仔在頭頂飛過！

華仔為演唱會預備多套戰衣，首場所見平均唱三至四首歌就換一次衫。

除了服裝花心思，他還邀請了「特別嘉賓」出場，演唱會其中一part快歌medley中，有兩個Q版華仔大頭公仔登場，造型十分趣怪。

完整歌單如下：
1. 預謀
2. 中國人

3. 笨小孩
4. 謝謝你的愛
5. 獨自去偷歡
6. 如果有一天

7. 假裝
8. 冰雨

9. 愛你一萬年
10. 暗裡著迷
11. 練習
12. 十七歲

13. 你是我的夢
14. 男人哭吧不是罪
15. 你是我的女人

16. My Love
17. 心只有你

18. 今天
19. Medley(我恨我痴心+忘情水+再吻我吧+無間道+不需要愛情+沒有人可以像你+愛不完+我恨我痴心)
20. 情深的一句
21. 一起走過的日子

22. 如果我有事
23. 仍唱我的歌
24. 真永遠