正在閱讀
【蘋果iPhone】商店港鐵一嘟即俾錢!蘋果將支援智能八達通?!

【蘋果iPhone】商店港鐵一嘟即俾錢!蘋果將支援智能八達通?!

2018.12.20

之前八達通公司就聯同三星Samsung推出Smart Octopus ,將實體八達通變成手機,用家只需用電話嘟一嘟就可以付款,十分方便。雖然智能八達通在三星手機運作已漸趨成熟,但Smart Octopus遲遲未同手機市場「大佬」Apple iPhone合作推出智能八達通,最近就有外國媒體透露八達通有機會同蘋果聯合推出Smart Octopus,以後蘋果用家搭車、俾錢可以更方便。

雖然八達通之前己同samsung聯同推出Smart Octopus,但智能八達通刖遲遲未在蘋果產品上推出。

最近外國媒體Ata Distance就指出自2017年後出產的iPhone及Apple Watch產品有機會加入Smart Octopus 功能,以後各位蘋果用家可以嘟一嘟就入港鐵,非常方便。

大家只需在Apple Pay應用程式加入Smart Octopus,就可以使用流動裝置,在所有裝有八達通讀寫器服務商店中進行交易,使用流動支付服務。

外國媒體估計八達通內的金額將可以新增到Apple Pay錢包,變成虛擬八達通,想付款時只需用手機嘟一吓就可以俾錢,出街更方便。

其實蘋果公司早在2017年就已經將不少蘋果產品加入非接觸型智慧型卡技術包括有:Apple Watch Series 2 (日本版), Apple Watch Series 3、 Apple Watch Series 4、 iPhone 7 Plus 、iPhone 7(日本版)、iPhone 8後所有型號(香港版),所以蘋果產品在不久將來推Smart Octopus 亦不足為奇。

不過有關方面暫時未有就有關詳情作出回應,一切資料以官方發佈為準。

資料及圖片來源:Apple,八達通,Ata Distance

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠