【叱咤頒獎禮2018】入行20年完成大滿貫 容祖兒首奪「至尊歌曲」感動爆喊
《叱咤樂壇流行榜頒獎典禮》於2019元旦舉行，天后容祖兒(Joey)憑《心之科學》勇奪「專業推介叱咤十大至尊歌曲」，入行20年終於在叱咤的舞台完成了「大滿貫」的創舉！Joey一上台已經不禁感動落淚，她表示自己懷住做「song of the year」的決心去做這首歌。
頒發「專業推介叱咤十大至尊歌曲」時，負責宣布的森美提到這位得獎者已經拎過大部份的叱咤獎項，包括生力軍、多屆女歌手獎，甚至「至尊大碟」，然而只差一個「至尊歌曲」就完成大滿貫，講緊的就是樂壇天后Joey。
Joey得獎一刻忍唔住爆喊，她表示：「喺宣傳呢首歌嘅時候，我係懷住做song of the year的決心同堅持，但諗諗下唔對路，每個歌手都係用所有決心，從來冇鬆懈過，所以我有又乜咁特別，我出道喺上個世紀，1999年出道，一路懷住song of the year嘅憧憬同堅持做所有歌，終於嚟到2019年的今日，我攞到呢個獎！」她又引用《心之科學》歌詞勉勵一眾歌手繼續堅持做音樂。
港生活人氣本地熱話
↓【送禮🎁】新城市廣場X反斗萌友獨家精品套裝✨！↓
↓ 實用又可愛！3款反斗萌友獨家精品！ ↓
↓【限時搶⚡】卡樂B香烤魷魚味波浪薯片↓
↓獨特魷魚味半融粒粒｜咸鮮味逼人↓
假日好去處