正在閱讀
【叱咤頒獎禮2018】謝安琪首奪女歌手金獎 感觸剖白:曾經想放棄音樂

【叱咤頒獎禮2018】謝安琪首奪女歌手金獎 感觸剖白:曾經想放棄音樂

2019.01.01

《叱咤樂壇流行榜頒獎典禮》今晚舉行,謝安琪(Kay)出道14年來首次獲頒「叱咤樂壇女歌手金獎」,力壓Gin Lee和AGA,Kay於台上感觸表示:「我曾經好灰心,想將我的音樂擺低。」

Kay是今年叱咤大贏家之一,先後獲得「專業推介叱咤十大第二位」、「叱咤樂壇至尊唱片大獎」、「我最喜愛女歌手」及今年首奪「叱咤樂壇女歌手金獎」,今次亦是她第七度奪得「叱咤樂壇女歌手獎」,Kay獲頒「女歌手金獎」時都忍唔住眼泛淚光,她提到自己曾經想放棄音樂:「我已經幾年無去頒獎禮,我曾經好灰心,好想休息,我的音樂帶畀我好多難忘時刻,但好多時我唔識應付,我曾經真係想將我嘅音樂擺低。」

她又表示:「琴日我真係豁然開朗,我覺得今日嚟到頒獎禮,望見所有人拎獎,我眼中冇睇到輸贏,作為做音樂嘅人,好多時睇到我哋台上嘅輝煌,接受祝福、掌聲,但係原來歌手幸福更多喺台下發生。」

語帶哽咽的Kay指做專輯的每一個環節都是工作人員的努力,她說:「所有事都係我哋嘅幸福。今日我望住大家,我睇到唔係輸贏,係睇到支持,多謝大家衷心嘅感謝。」

 

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

【新登場!】全新U Lifestyle App

評語

Rick Tang
Rick Tang Kay係第7次拎女歌手三甲
02/01/2019 06:45

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠