網友買錯床褥 親自鋸短！IKEA火速抽水獲激讚公關反應快
外國IKEA公關一向識抽水，之前藍色$5購物袋同名牌手袋撞款，幽默回應成為全球熱話。其實香港IKEA的公關一樣識玩！近日有網友就在討論區發帖，指朋友買錯床褥尺寸後未能退貨，結果親自鋸短床褥，發文引來不少網友熱烈討論。而IKEA香港宜家家居亦立即在Facebook專頁發文抽水，結果贏得一班網友大讚公關反應快，抽水抽到乾晒。
IKEA在Facebook上圖文並茂抽水，圖片寫上「就算唔Gur都唔使鋸，因為我哋有100日試床服務」，同時在發文上寫「冷靜啲，放低把鋸先！」，並把握機會介紹IKEA提供有100日試床服務。
同時表示「當你真係唔滿意嘅話，歡迎您嚟換過第二張」，暗串原本未能提供退貨的床褥公司。
發文獲得網友大讚公關反應快，抽水抽到乾晒。
來源：ikea
港生活人氣本地熱話
↓ 賞您香港書展2025電子門票📖 ↓
↓ 同一門票可入埋「零食世界」及「香港運動消閒博覽」↓
【送飛🎟️】蠟筆小新「玩轉！時空大冒險」互動體驗展！
↓2️⃣大新設展區✨│2米高小新立像／全新周邊精品／小新主題新餐單😍↓
