正在閱讀
汪阿姐童心未泯自稱汪三歲!遊日本玩吊波揈到嗌「救命」

汪阿姐童心未泯自稱汪三歲!遊日本玩吊波揈到嗌「救命」

2019.02.08

「汪阿姐」汪明荃一向出名工作態度嚴謹,但一玩起來卻充滿童心,阿姐同老公羅家英及友人近日趁農曆新年暢遊日本,途經兒童遊樂場時,阿姐見到滑梯、吊波等設施都忍唔住試玩,即時化身「汪三歲」,但遭負責揸機拍片的家英哥取笑「論盡」!

昨日汪阿姐在IG上載短片,她和家英哥及友人途經琦玉縣父郡公園,雖然阿姐年屆71歲,但見到兒童遊樂設施時就表現得童心未泯,阿姐首先挑戰吊波,但一開始不太順利,被負責揸機拍片的家英哥取笑「好論盡」!

不過阿姐身輕如燕,第二次嘗試就成功球跳上吊波,家英哥推佢揈來揈去,不知幾happy!

只係揈咗幾吓阿姐就話個吊波停唔到,大叫:「快啲停!」此時家英就話:「你嗌救命啦!」估唔到阿姐又真係配合地叫「救命」,十分可愛。

阿姐玩完吊波,又玩滑梯,咁家英哥呢?就梗係繼續拍片兼做旁述,他又以「大唔透」形容阿姐。

 

來源:IG@wang_liza

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠