正在閱讀
【鄭中基演唱會】即場逗利是集資!Ronald宣布原班人馬拍《龍咁威3》

【鄭中基演唱會】即場逗利是集資!Ronald宣布原班人馬拍《龍咁威3》

2019.02.10

鄭中基(Ronald)的紅館個唱《鄭中基 One More Time世界巡迴演唱會-香港站》於大年初五舉行尾場,這晚邀請到《龍咁威》系列班底張達明、李璨琛和谷德昭擔任特別嘉賓,四人趁機宣布今年將開拍《龍咁威3》,表明要拍得夠「陀地」,啱香港人睇,四人又搞笑咁話依家除咗未有劇本,仲無錢開拍,要即場搞「眾籌」,落台逗利是!

鄭中基第五晚個唱於昨晚圓滿結束,尾場嘉賓有《龍咁威》班底張達明、李璨琛、谷德昭,與Ronald隆重宣布今年開拍《龍咁威3》。他表示:「要拍出香港觀眾鍾意嘅《龍咁威》,其他地方觀眾鍾意就當bonus。」雖然台前幕後班底已經齊人,但尚欠劇本和資金,即席問觀眾想看甚麼橋段。

Ronald大爆李璨琛因《龍咁威2》其中一幕戲耿耿於懷,因為李璨琛猜輸包剪揼,所以當時他真的要「奶」朱咪咪的腳趾,並出動兩部攝影機拍攝他的反應,他又搞笑邀請在場觀眾「奶」李璨琛的腳趾。

谷德昭指近日看過數場演唱會,發現Ronald的演唱會是最多香港人看,樂隊都是香港人,相當「陀地」,他表示希望《龍咁威3》都係一部夠「陀地」的作品,但目前只係差劇本同錢,笑言要搞「眾籌」,遂一邊獻唱《財神到》,一邊向台下觀眾逗利是集資。

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠