「仲偷拍？成個電影業畀你搞彎晒！」呢句由任達華所講的口號真係睇見有聲，提醒大家於戲院範圍未經授權使用攝影器材屬違法行為，相信小朋友都知道，偏偏有港媽肆無忌憚於戲院大開閃光燈影相，有觀眾好心提醒，反而遭到港媽無禮對待，實在令人無奈。
近日有網友於「生仔要考牌系列」Facebook專頁分享一則戲院「奇談」，網友表示有次去戲院睇戲，遇上幾位港媽帶埋一班小朋友，一行十幾人睇戲。當戲院熄燈，職員關門離場後，其中一位港媽就叫小朋友望住她笑，原來係想影相，相信是因為希望記錄小朋友一齊活動的回憶。
當時港媽仲開埋閃光燈影相，不過戲院漆黑一片，加上小朋友一心睇戲，無望鏡頭，可想而知都唔會影得靚，但港媽並不死心，再接再厲，影完第二次，再影第三次，而全場觀眾都開始望住他們。
配圖：Pexel
此時，發文網友的朋友終於忍唔住，走過去提醒港媽：「戲院內唔准攝影。」港媽雖然即時收起電話，但明顯毫無悔意，碎碎念表達不滿：「影相之嘛，咁都唔畀！」完場後，職員開燈，不過這時港媽卻唔影相，港媽又向同行的其他港媽友人表示，要認住網友的朋友，指他唔畀影相，兼齊齊「怒睥」網友的朋友。
未經授權於戲院範圍使用攝影器材本身已經是違法，在小朋友面前做出這些行為會成為壞榜樣，加上使用閃光燈亦對其他觀眾造成滋擾，實在相當自私，有網友留言下次遇上這種情況可以即時向戲院職員反映，對違規觀眾起警惕作用。
原文：
來源：FB@生仔要考牌系列
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
