今早有網友分享在快餐店見到一位伯伯意外跌倒，頭部受傷流血，然而除了網友和兩位食客願意伸出援手，快餐店職員和其他人卻無動於衷。網友幫忙報警，並向公司交代有可能遲到，卻獲得同事冷漠質問：「點解係你報警唔係職員報呢？」
經常話香港人返工大過天，只要阻住自己返工的事，可以不理都盡量不理。網友「Salamandra Jones」在Facebook大埔群組分享今朝食早餐時，見到一位伯伯失平衡跌倒，頭部嚴重出血，於是網友即時報警，並留守現場協助，等待救援員到場。網友指當時除了他和另外兩位先生女士幫忙照顧傷者，和商場保安稍後到場外，現場其他人，包括快餐店職員都不聞不問，做嘢的做嘢，食完早餐返工的返工，令網友慨嘆人情冷暖，香港人「返工第一」的特質根深柢固。
網友又表示見差不多過返工時間，便向打電話公司交代，怎料同事回應：「點解係你報警唔係職員報呢？都係當你遲到囉，公司冇呢類情況指引。」這個冷漠的回應亦令網友大感無奈，不明白盡公民責任，協助報警有何不可。
其他網友都表示支持發文者的做法，讚揚他熱心助人無錯，認為香港人應該對於身邊人和事多點關心。有網友表示曾經遇過類似情況，可是當伸手助人時，不少公司基於內部工作指引反而會對助人的員工加以刁難，致令人對幫助他人漸漸卻步，盼望老闆們可以通融處理。
來源：FB@Tai Po大埔
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
