蕭正楠與曹永廉是圈中最為有名的兄弟檔，除了一起拍劇做主持外，經常到外地齊齊登台搵真銀。兩人啱嘴型的其中一個原因，同樣都是歌手出道，後來轉戰電視劇，成功入屋。早前兩人為了準備登台，於是相約一起唱K練歌。
相約唱K，感情友好的兩人不忘互窒對方。蕭正楠就上載兩人唱K的短片到IG，留言表示：「廉哥話我太太拍緊戲，靜靜雞帶我去卡拉OK見識下....佢嘅歌喉。」
後來他在片中解釋，指兩人為美加演唱會特訓，曹永廉更自High說：「同樣為年尾紅館做準備。」
蕭正楠先失笑，後來再窒對方：「紅磡殯儀館呀？」後來曹永廉早了幾秒入歌，自嘲：「吹板呀！」
事後田蕊妮留言：「吹板呀廉伯」曹永廉抵死回應：「冇吹，係音樂慢咗咋！」不忘mean爆互窒本色。
曹永廉也上載了一段蕭正楠演唱林奕匡《高山低谷》的短片，講笑話：「有進步空間，好大空間！」
圖：蕭正楠、曹永廉IG
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
《社群狂歡大激賞》！送hellolulu最新系列袋款🎁！
