正在閱讀
Facebook更新將顯示朋友睇過咩內容 睇過咩post會俾人知?!

Facebook更新將顯示朋友睇過咩內容 睇過咩post會俾人知?!

2019.03.18

Facebook不時都會有更新令大家可以在使用Facebook時更加方便,最近外國媒體Social Samosa就表示Facebook即將又有新update,而今次Facebook的更新有機會進一步侵犯大家私隱,一齊睇吓Facebook將會有咩update!

根據外國媒體報導,今次Facebook有機會有3大更新。

Facebook最近為一個新功能進行測試。日後再使用Facebook時,當朋友已閱讀專頁所發布的文章時,帖文上有機會出現「Read by your Friends」的字樣,代表朋友已睇過該貼文,近日小編在使用Facebook時亦遇到同樣情況。


不過幸好的是此功能暫時未有確切顯示出讀過該帖文的朋友名稱,如果日後該功能真的推出,大家可能要小心自己在Facebook所睇的帖文。

而部分網民就認為,如果功能日後可以準確地顯示邊個朋友已讀貼文內容會更好,不過facebook到時真的顯示全部用家資料,可能會涉及侵犯用家私隱。

另外,Social Samosa亦指Facebook現正亦正為其他2項更新做測試,包括新增遊戲直播及分享朋友的限時動態。

新增遊戲直播

Facebook 將來有機會新增遊戲群,到時大家可以睇到朋友們在Facebook進行遊戲直播。

分享朋友的限時動態

另一個Facebook正在測試的新功能是「分享到你的限時動態」,此功能可以等大家將朋友們的動態分享到自己的限時動態上,功能類似Instagram中的將自己被朋友標籤的限時動態轉載到自己的限時動態上。

大家又點睇呢幾個有機會推出的新功能呢?

資料及圖片來源:Twitter,Social Samosa,facebook

 

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠