有「金牌司儀」之稱的森美一向出名有急才，近年不少韓星來港舉行粉絲見面會都邀請森美擔任主持，除了幫手搞氣氛，亦令活動進行得更順暢，有時遇上突發事時，他都臨危不亂，令觀眾可以安心參與活動。日前韓國男神朴寶劍來港開騷，並再度邀請森美擔任活動主持，期間森美再次發揮急才，令朴寶劍的粉絲都拍爛手掌。
活動尾段，朴寶劍預備了近40份禮物送給粉絲，由森美幫手抽出現場觀眾，他再三確認抽出正確數目，他說：「好緊要架，抽多咗我就要送我自己月曆出嚟，送我嘅月曆好唔好？」台下粉絲都大叫：「好！」森美又說：「但重點係無我個樣喎！」
之後於fan-meeting最尾設有全場hi-touch，於等待期間的冷場，粉絲當然心急想跟oppa擊掌，森美隨即發揮急才，即興「棟篤笑」搞氣氛。
他先是正經地以廣東話跟觀眾交代hi-touch流程，然後他問現場是否有人聽不懂廣東話，由於早前有泰國粉絲被抽中上台與朴寶劍互動，於是森美就大講自創「泰文」，除了講啱「沙哇啲卡」，其餘都係亂噏，但令全場粉絲爆笑，森美就說：「笑嘅人肯定係唔識泰文啦，識泰文嘅都唔會明我講咩！」
講完「泰文」，森美又轉channel，大騷「世界級」普通話講解流程，他笑言：「我是『渣咋輝』，我跟『渣咋輝』、古天樂『衣毛咦樣』(一模一樣)，我在香港很出名，出名普通話很爛！」再令現場觀眾歡呼爆笑，更有粉絲叫森美唱歌助興。看來朴寶劍粉絲都差點變成森美粉絲。
唔少有去現場的觀眾都在森美IG留言大讚他主持出色，令活動氣氛非常好。
來源：IG@森美
」，
App內睇文同睇片可隨時捕捉U Fun彩蛋，
換領現金券及禮品！
↓【免費試用】PHYSIOGEL全新面膜！✨↓
↓ 逆齡秘方㊙️! 實證即時提升肌膚彈性 ↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
