正在閱讀
10款輕鬆好玩Switch遊戲推介!大人小朋友都啱玩

10款輕鬆好玩Switch遊戲推介!大人小朋友都啱玩

2019.04.10

任天堂Switch的遊戲,向來適合多人遊玩合作,大人小朋友都啱玩,連帶《Super Mario Party》及《Overcooked! 2》等熱門遊戲亦吸引很多玩家入手。今次就同大家介紹10款輕鬆好玩的Switch Game,大朋友細路都適合,放假同屋企人合家同樂一齊玩都無問題!

 

1. Little Friends: Dogs & Cats

遊戲以狗和貓為主角,集合40個品種的貓貓狗狗,利用Joy Con或觸摸螢幕,可以同寵物接觸和互動。除了同寵物玩和餵飼之外,仲可以幫寵物換衫,體驗養寵物的滋味。就算家中不能養寵物,都可以同小朋友們一齊感受下當中的樂趣。

 

 來源:Nintendo

 

2. Stikbold! A Dodgeball Adventure

遊戲以刺激的閃避球為主,玩家要接球並將對手一一擊倒,剩下最後的一位就能獲得勝利。看似普通閃避球,但過程都相當有難度,需要花園及沙灘等場景進行比賽,玩到一半仲突然會有車亂入,刺激之餘仲好考反應。

圖片來源:Nintendo

 

3. Yoshi's Crafted World

今年3月新推出的遊戲,以Mario好拍檔耀西(Yoshi)做主角,以得意的手作世界為背景,展開全新冒險旅程。玩家要協助耀西,收集意外散落不同地方的寶石。遊戲畫風相當可愛,不同關卡的設計亦盡展心思,色彩繽紛的世界,大人小朋友玩落都開心。

 

來源:Nintendo


4. 前進吧!奇諾比奧隊長

由Mario系列的奇諾比奧隊長,今次擔正做主角推出的遊戲!玩法同樣以打敵人和尋寶過關為主,遊戲中有共有70多個關卡地圖,仲有提供雙打模式,可以同朋友一齊聯手過關考驗默契!
來源:Nintendo


5.Mario Tennis Aces

孖寶兄弟除了識賽車同過關之外,原來仲識打網球!在Mario Tennis Aces中,玩家可以選擇Mario系列角色,來進行網球比賽。另有故事模式及線上對戰系統,玩法多變,仲可以同朋友進行對打,決一高下!

 

來源:Nintendo


6.Carnival Games

以嘉年華小遊戲為題材,集合超過20款小遊戲,如經典的套圈圈、宇宙保齡球同投籃遊戲等等,似足在冒險樂園玩的小遊戲,安在家中都可以同親友感受嘉年華氣氛

來源:Nintendo@Youtube

7. Pokemon: Let's Go, Pikachu!

去年底推出的Pokemon系列遊戲,引起一眾Game迷的打機潮!遊戲以比卡超和伊貝做主角,結合手機遊戲《Pokémon Go》及Switch的特徵,採用全新的體感操作捉小精靈,一齊成為小精靈訓練員!

來源:Pokemon: Let's Go官網

8.New Super Mario Bros. U Deluxe

有著超經典橫向玩法的《New Super Mario Bros. U Deluxe》,今次有共164個關卡,可以慢慢玩,遊戲亦支援4人玩樂,同朋友一齊放鬆一下就最啱玩!

 

來源:Nintendo

 

9. Super Mario Party

 集合超過80款多款派對小遊戲,不用擔心玩到悶。小遊戲可以考驗同朋友的默契之外,仲可以同朋友分組比賽,大人小朋友都可以一齊玩!

 

來源:Nintendo

10. Overcooked! 2

大家耳熟能詳的遊戲去年就推出第二彈,新增了不少廚師角色和新地圖,亦帶來了多個新考驗,仲支援線上連機同其他人一齊玩就算打爆機都不用怕,遊戲更不時推出更新,例如Kevin's Christmas Cracker Update、「SurfnTurf」及即將推出的「Campfire Cook Off」,到時又有新挑戰!

 

 

來源:Nintendo

↓↓↓【新登場!】全新U Lifestyle App ↓↓↓

免費下載 隨時隨地 睇盡最Hit生活資訊!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠