愛玩Switch的朋友，相信都玩過《Overcooked》和《Catastronauts》等4人合作制遊戲，貪成班朋友一齊開Party玩時，可以炒熱氣氛！最近又有一款破壞友情新Game《Tools Up!》宣佈即將推出，遊戲以裝修屋企為背景，要4人合作一齊完成裝修，到時同朋友玩到手忙腳亂，分分鐘又玩到絕交！
《Tools Up!》由獨立團隊 The Knights of Unity製作，以裝修屋企為遊戲主題。玩家要扮演裝修工人，在限時內按設計藍圖合力改造房子間格和裝潢，當中包括水泥、地板、地毯、牆紙及擺放家俱等等，全部都講求玩家們的默契。
遊戲中部分設定與《Overcooked! 2》相似，玩家一樣可以拋接材料和工具節省時間，但失手的話便有機會倒瀉水泥。而且房間面積有限，極容易會出現裝修工人卡在門口的畫面，如果強行通過的話，更會把門撞飛，又要花額外時間重新修理！
《Tools Up!》預計12月3日正式推出， 將會登陸任天堂Switch、Steam、Xbox及PS4平台，有興趣想玩的朋友記得留意啦。
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
↓【限時搶⚡】Lactovital乳鐵蛋白咀嚼片！↓
↓ 助您健腸/改善消化系統 /提升免疫力 ↓
