大學飯堂陪著一眾大學生度過校園日子，有時候甚至食飯堂餐仲多過家常便飯，不時有人會討論飯堂質素。最近浸會大學有多名學生疑不滿飯堂食物質素差，趁退宿日大鬧飯堂，扔餐具之餘更爆粗鬧飯堂女職員。
最近，浸會大學的退宿限期將至，不少人都忙著收拾行李辦理退宿手續。但有一眾學生在退宿日大鬧飯堂，在臨走前盡情表達自己對飯堂的不滿。眾人在飯堂大聲叫囂，內容圍繞餐廳食物質素差，批評飯堂不推出炸雞髀又取消海南雞，又指菠菜意粉「菠菜還菠菜，意粉還意粉，點食？」，之後又扔餐具。
期間女職員曾好言相勸，不過一眾大學生並沒有收斂，反而變本加厲，圍著餐廳女職員爆粗大鬧「好X難食，X你老X」，又指「畀幾十蚊，畀啲屎我哋食」、「我督屎都好味過呢度」。校方表示十分關注學生的行為和操守，正在了解事件。如果發現學生違規，學校將依據既定程序跟進。
有網友將事件分享至FB專頁「HKBU Secrets」，引起不少校友討論。有人就表示宿舍飯堂的質素已經算比較好，直言「未食過當年嘅聯福can冇資格發爛渣」。對於爆粗鬧女職員，不少人都覺得向飯堂職員發洩是無理兼無用的行為，認為「向管理層反映仲好啦」、「咁鬧啲姐姐都冇用嘅 係鬧就鬧間中標餐廳」及「欺善怕惡通常就係呢種人，蝦啲職員/阿姐就威X水水」。
來源：FB@HKBU Secrets、HKBU
」，
App內睇文同睇片可隨時捕捉U Fun彩蛋，
換領現金券及禮品！
↓【送機票✈️】分享旅行靚相 贏免費機票↓
↓ 請您免費飛轉日／韓／泰！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
