最近鄭秀文Sammi完成了13場紅館演唱會，準備迎來人生第47個生日，不少好友都陸續為她慶祝生日。即使昨日掛起8號風球，但古天樂與杜琪峯兩位好朋友依然風雨無阻地赴約，與Sammi食生日飯。眾人在飯局期間拍攝合照，鄭秀文更笑言古仔與杜Sir撞樣。
Sammi在社交平台分享了當日飯局的照片及短片，氣氛輕鬆愉快。Sammi更笑言杜Sir與古仔撞樣：「你哋真係好似樣」，杜琪峯表示「唔好講」，古天樂聞言更即場反白眼加戚嘴笑，神情無奈但相當盞鬼。之後鄭秀文更大笑，直言「兩個都唔開心」。
之後Sammi撰文抒發對於演唱會圓滿結束的感受，直言「身心都掏空了給親愛的觀眾，不過非常非常值得。因為心中擬定的想法和目標都達到，但現在要休息自己了，好好找回自己，過去幾個月操練和排練太艱難辛了，最後一兩埸膝蓋都開始有點拐」，同時對一眾好友表達謝意：「多謝杜sir杜太,古仔, Elaine 昨晚送給mi 這一晚。喜悅啊！」，又加上數個hashtag「#覺得杜sir和古仔越來越越似樣 #神似樣 #認識杜sir杜太是這輩子其中最感恩的事 #人大了開心都想哭 #簡簡單單相聚就已經很正 #又吃得很多的一夜」。
點擊圖片放大
之後她再上載合照，感謝大家在八號風球的天氣下仍然赴約，同時多謝古老闆請食飯、Elaine 的蛋糕及杜sir的十四代。她感性地以hashtag表達感受：「#感恩一切 #沒有必然的 #人大了開心都想哭 #簡單吃飯已經開心」。
點擊圖片放大
來源：IG@鄭秀文
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
