日常返工返學搭車時，俗稱「聽歌app」的音樂串流Apps是不少人的必需品。而現時市面上有不少音樂串流平台可供大家選擇，包括有Spotify、Apple Music、KKBOX、MOOV、及JOOX。相信大家都想知道哪款app最適合自己，以下就為大家介紹各音樂串流平台的特色及價錢，大家可以睇完再選擇用哪一款app。
更新：2019年9月5日
1. Spotify
Spotify來自瑞典，於2013年進軍香港市場，曲庫歌曲超過3000萬首。Spotify雖然主打歐美等外國歌曲，但據小編的使用經驗，Spotify的廣東歌、華語歌、韓文歌等歌曲亦很齊全，甚少有找不到的情況出現。
點擊圖片放大
另外，Spotify還有獨家的Daily Mix功能，可以根據你平常收聽的歌曲為你度身制定一份播放清單，另外亦有按歌手、主題等分類的播放清單，不怕鬧歌荒唔知聽咩歌！
點擊圖片放大
而且Spotify分為免費用戶及Premium用戶，免費用戶不用付費都可以聽歌，不過間中會有聲音廣告夾雜，而且切換歌曲的次數有限制。另外，Spotify不提供歌詞，聽歌鍾意睇歌詞的朋友就要留意了。
點擊圖片放大
若想有更好的聽歌體驗，則可考慮升級成Premium用戶。在升級成Premium用戶前，大家可以先免費試用Spotify Premium一個月，而官方亦會不定期推出優惠價試用3個月，優惠價一般約$4.9。Spotify設有家庭共享 Premium、學生優惠Premium、及Premium三個收費方案。家庭共享 Premium最多可由6名同住的家庭成員共享計劃，每月月費$88，若成功湊齊6人共享，即每人$14.6一個月，是最抵玩的Spotify Premium方案。而學生優惠Premium及Premium的收費則分別為$29及$58一個月。
2. Apple Music
Apple Music在推出初期只支援ios用戶，但現時已擴展至支援Android用戶。Apple Music的曲庫有5000萬首歌，是市面上最多歌的音樂串流平台，主打歐美歌曲，廣東歌較少。
點擊圖片放大
而Apple Music的賣點是其廣播電台，內有多個由專業DJ及音樂編輯挑選的播放清單，選曲有質素保證
點擊圖片放大
收費方面，大家可先免費試用一個月後再選擇收費方案。收費方案以家庭計劃最抵，每月月費$88，可由6人共享，每人$14.6一個月。而學生用戶及個人用戶的收費則分別為$28及$58一個月。
點擊圖片放大
3. KKBOX
KKBOX主打亞洲地區音樂，日、韓、台、港等地的歌曲非常齊全。當中的「一起聽」功能是KKBOX獨有，用戶可以與他人分享自己制定的歌單，而間中更會有歌手加入成為「台長」，與粉絲分享歌曲及交流。
點擊圖片放大
KKBOX設有7日免費試用，試用完結後有多個收費方案可供用戶選擇。KKBOX特設信用卡及電訊商優惠計劃，指定客戶可以優惠價成為收費用戶。當中，恒生、渣打、滙豐的信用卡客戶首30日只需$9.9；Citibank信用卡客戶首120日$173，其後每月月費$53；而星展信用卡客戶則可以優惠價$599購買365日會員。
電訊商優惠方面，3指定月費用戶可享2個月免費體驗，其後$49一個月；SmarTone指定月費用戶則可享$44或$49一個月。而KKBOX同樣有家庭共享計劃及學生優惠，家庭共享計劃每月$79，可由3人共享，平均每人$26.3一個月；學生優惠則每月$29。普通月費計劃$58一個月，如單次購買90日、180日、或365日，可分別獲贈10日、25日、50日。
點擊圖片放大
4. MOOV
MOOV是本港首個音樂串流app，廣東歌及K-POP都是其主打，同時華語、英美等歌曲亦會日日更新。而且，MOOV有不少自家製內容，例如自家音樂會系列MOOV LIVE、音樂節等，聽歌之餘更可睇LIVE。另外，又有由音樂治療師及專業音樂人設計的歌單，可以按需要收聽。而值得一提的是，MOOV的音質高達1411kbps FLAC，屬無損格式音樂，適合對音質有要求的朋友。
點擊圖片放大
MOOV提供14日免費試用，試用完結後可升級為收費用戶。價錢方面，MOOV有多個收費方案，當中以新推出的家庭Plan最抵玩，家庭Plan原價$79，9月30日前可以優惠價$69升級，由3人共享，即平均每人$23一個月。
而恒生、滙豐、星展、建行的信用卡用戶可獲每月$10優惠，每月月費只需$39。另外，學生優惠計劃為期12個月，首6個月月費$48，期後6個月免費，即平均$24一個月。作為PCCW旗下成員，MOOV另外提供1個月MOOV連Viu升級會員服務，費用為$58，適合又想聽歌又想煲劇的朋友。而一般的月費計劃$49一個月，屬自由約，若參加12個月計劃，則可享$90優惠，平均$41.5。
5. JOOX
JOOX主打本地元素，廣東歌及華語歌非常齊全，其中一個賣點就是「拍住唱」K歌功能，用戶可以跟自己喜歡的歌手朋友邊拍邊對唱。另外，非付費會員都可以免費聽歌，不過就會有聲音廣告夾雜、切換歌曲次數的限制。但亦可通過收看廣告、分享歌曲等方式獲得數小時的免費VIP服務。
升級成VIP會員除了可任意下載歌曲離線收聽外，更可享受Hi-Fi無損音質。收費方面，VIP會員$48一個月，而JOOX亦會不定期推出儲值卡優惠。
下圖總結了各平台的特色及價錢，點撃放大睇詳情：
資料及圖片來源：Spotify、Apple Music、KKBOX、MOOV、JOOX
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
