正在閱讀
【中秋節2019】15大BBQ燒烤秘訣大公開!3分鐘快速燒扒/叉雞翼/起爐技巧

【中秋節2019】15大BBQ燒烤秘訣大公開!3分鐘快速燒扒/叉雞翼/起爐技巧

2019.09.12

2019年中秋節到啦,好多人都會同朋友或者家人去BBQ燒烤慶祝,不過想燒到肉嫩多汁的雞翼、扒類等都有一定技巧,所以今年中秋節,小編就專程向大尾篤麥師傅燒烤場的麥師傳取經,教大家15大BBQ燒烤及開爐秘技,一齊睇以下BBQ燒烤技巧啦!

1.叉雞中翼技巧

將雞翼打橫放,多肉的部分對向自己,叉入骨頭下底的肉,保証不會兩邊轉!

 

2.燒雞翼技巧
弱火可將雞翼貼近爐火,每幾十秒就反轉另一邊,以保質肉嫩多汁,但注意記得避開雞油所造成的油火,以免令雞翼燻黑。

燒烤時間:5-10分鐘

 

3.叉雞全翼技巧

先將雞翼扯成直線,再叉入雞翼的骹位,令雞翼不會左右轉動。


4.燒雞全翼技巧

燒雞全翼不宜故意將雞鎚向火燒,以避免過度燒焦,同時亦注意記得避開油火,避免令雞翼燻黑。

燒烤時間:10分鐘

 

5.叉扒類方法

首先將燒烤叉兩邊收窄,以便更容易叉好食物,先用叉叉好細肉,再叉肉扒的另一邊,之後再反轉叉好兩邊以穩定肉扒。叉好後要拉直整塊肉扒,以確保每個位置都可以平均地接觸炭火。


6.燒扒類方法

肉扒應該先燒有鐵的地方,而且適宜用大火低燒,以鎖住肉汁,每幾十秒轉另一邊,以免過度燒焦。

燒烤時間:3-5分鐘(豬扒)3分鐘(牛扒)

 

7.叉腸仔技巧

將香腸垂直叉好,令香腸可以平均受火。

 

8.燒腸仔技巧

腸仔適宜在開爐初期,趁弱火時低燒,要有耐性不時反轉香腸,當腸仔變成脹身即食得!

燒烤時間:5-10分鐘

 

9.叉排骨技巧

排骨應叉骨頭底的肉,以確保排骨不會左右轉動。

 

10.燒排骨技巧

排骨宜用大火高燒,容易鎖住肉汁,同樣要幾十秒反轉排骨,避免肉質過硬。

 

燒烤時間:10-15分鐘

 

11.叉魷魚技巧

先叉魷魚的背面(黑色面), 再反轉叉魷魚的正面,再拉直整塊魷魚,確保整塊魷魚都可以平均地接觸炭火。


12.燒魷魚技巧

燒魷魚需先燒魷魚的背面再燒正面,亦適宜用大火低燒方式,以確保魷魚夠爽口。 

燒烤時間:2分鐘

 

13.叉雞腎技巧

應放平雞腎再叉,確保每塊雞腎都可以平均地接觸炭火。


14.燒雞腎技巧

燒雞腎應用大火,同樣每邊燒幾十秒再反轉,以確保雞腎不會因燒得太耐而變韌。

燒烤時間:10分鐘

 

15.起爐技巧

將長炭放在火的旁邊,碎炭放在火中間,可以令火勢更持久。

 

↓【U Lifestyle App限定】送iPad mini (Wi-Fi版)!↓

立即入App答問題 人氣獎品、優惠折扣隨時等您攞!

【新登場!】全新U Lifestyle App

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠