吳若希直認與HANA菊梓喬冇兩句 回應話中有話兩人不和升級
吳若希向來都被指同公司同事HANA菊梓喬不和，就算一同出席公開場合，都有種面左左的感覺。近期有消息表示吳若希力捧同門師妹譚嘉儀奪獎，為求阻止HANA菊梓喬再下一城得到最受歡迎女歌手獎。
消息一出，HANA菊梓喬在社交平台發表文章，表示：「做個簡單的人，每天感恩，這樣就足夠了。人生太短，只想好好過日子，明白世界複雜，也知道世間上很多事情不是自己能夠選擇。」似乎若有所指。
點擊圖片放大
事後吳若希坦認與HANA菊梓喬沒有默契，她說：「我同佢私底下都有兩句，不過係喺後台被迫企傾咗個兩句囉。佢仲係少女，而我又成為人妻，而我講嗰啲湊女話題佢又唔係好啱。」
又直言少有向對方提及私人事：「我通常同人工作要講火花、默契，我名她的確無默契。我鍾意好似打乒乓球咁，一來一回，但佢不是我嗰類，佢喺鏡頭前好柔弱。」對於HANA菊梓喬會否再得獎，吳若希語帶雙關地說：「點會攞不到，我拍馬都追不上，我出的歌都無乜宣傳。我好滿意今年嘅成績，不過Hit Rate唔夠人哋高，唔夠佢受歡迎。我梗係認輸，我係對呢個世界認輸，我對住個女已經贏成世運氣，佢係呢個世界送畀我最大嘅禮物。」似乎話中有話，令人覺得不和傳聞是真。
圖：IG@HANA菊梓喬、吳若希
港生活人氣本地熱話
全新功能《U GO》強勢登場🎉！
立即探索🔍本地熱門活動📍好去處🔔食買玩情報
↓【限時搶⚡】又一城歡天雪地溜冰門票↓
↓假日消遣首選｜約埋親友享受滑冰體驗↓
