莊思明日前在社交網站撰寫千字文，分享自己乘搭國泰航空的不愉快經歷。原來她早前應邀參加朋友的宴會，乘搭國泰航空飛往曼谷。由於要填寫入境表，所以她在飛機上多次撳燈召喚空服人員，結果見到有空服人員滅燈。
莊思明指自己被空服人員無視：「㩒咗一次好耐都冇人嚟於是我就睇睇我坐位上嘅燈，咦，點解熄咗但又冇人問我有咩需要嘅？唔緊要，我再㩒過，點知又係俾人熄咗」，去到第3次，她向後望，發現「有個空姐係我後面熄咗我盞燈然係就擰轉面行開咗！」，對此感到不滿：「佢係完全冇問過我有咩需要就行開咗，我想叫都叫唔住佢！」。
感到被忽略的莊思明再撳燈：「跟住我再㩒第4次，終於有個女仔急急腳走嚟，然後好有禮貎問我有咩需要跟住我就問佢借咗支筆填表」。填表後，莊思明認為有需要向高級空中服務員轉述自己的經歷：「於是我再㩒燈，借筆俾我個位空姐再次出現，我還返支筆俾佢嘅同時我同佢講，希望可以將我嘅感受同佢上司反映。佢問我發生咩事，於是我就敘述返整個過程。佢好好，佢馬上就幫我同咗佢上司反映，之後就有一位比較高級嘅男空中服務員過嚟問我更多detail。佢態度好好，不停同我講唔好意思同埋佢不停來來回回咁幫我揾係邊個空姐咁唔專業。過咗幾分鐘左右個男空中服務員過嚟搵我，佢同我講佢已經同經理講咗件事同埋已經發現咗係邊個，佢問我想點處理。」
她指自己講出這件事是因為「希望國泰可以積極處理類似嘅問題，因為作為全球其中一間最可信嘅航空公司發生咁嘅事實在係令我好驚訝」，又表示「如果國泰嘅高層想了解更多關於這次事件嘅詳情，我絕對歡迎你哋同我聯絡」。後來她得到了當時的空服人員名單，更在IG限時動態公開該名單（目前該限時動態已被刪除），不過就引起爭議，事關不少網民都認為她洩露空服人員名單是侵犯他人私隱。
之後有網友DM莊思明，指她「無事搵事做」，又表示「你唔好比我係機見到你，offload你」。莊思明貼出對話，向國泰航空表示：「希望貴公司嚴肅處理」。然後她又在IG限時動態分享英文句子，未知是否回應網民的罵聲。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
