武漢肺炎持續，為免受感染大家如非必要都應避免外出，今個假期一於乖乖留在家中，好好休息一下！雖然唔可以出街玩，不過其實留係屋企都有好多活動可以打發時間，甚至可以過得好充實！如果未諗到有咩做，不妨參考一下以下的活動，睇睇有冇啱心水啦！
1.煲劇／睇電影
放假留係屋企未諗到有咩活動，可以考慮揀一套劇集，趁假期來一個馬拉松式煲劇，一口氣煲完一套劇，打發時間同時又可以放鬆心情！如果覺得煲劇太長時間，亦可以揀一套電影同家人一齊睇，輕輕鬆鬆過一個下午～
10部人氣劇集推薦：
2019年熱門電影推薦：
2.打機
除了煲劇和睇戲，打機亦係另一個好選擇！唔少人屋企都有Switch，趁假期可以同屋企人一齊玩Switch的多人遊戲，增進感情。除了Switch之外，手機APP、網上都有唔少好玩的遊戲，部分如PUBG絕地求生（食雞）、傳說對決更可以同朋友連線，就算唔出街見面都可以同朋友一齊渡過假期～
Switch遊戲推薦：
3.做運動
平日生活忙碌，難以抽時間做運動，加上過完年，相信大家的身型都比以前更「有肉地」，趁有時間可以係屋企做一些簡單的運動，現時有唔少手機應用程式提供教學，當中包括腹肌訓練、瑜伽、瘦腿訓練等等，只要簡單跟住手機APP就做到，唔使去GYM ROOM，大家再冇藉口唔做運動啦！
免費運動App推介：
4.執屋打掃
武漢肺炎持續，除咗唔出街之外，其實亦應該趁機會清潔一下屋企，執屋打掃，確保家居衛生。打掃同時亦可以趁機將唔需要的物品清理，審視一下擁有的物品，嘗試一下斷捨離！
>>輕鬆收納連帽衣/連身裙/冷衫 執屋達人教你6大慳位摺衫法
5.寫日記
早年興起「Me Time」，意思就是留給自己的Quality Time，讓自己好好享受一個人的時間，拋開平日的壓力。係屋企有時間可以留一個空檔給自己，透過寫日記，或者簡單記下當日的心情，將自己的想法及感受釋放，減壓同時更認識自己，了解自己的感覺。
點擊圖片睇埋其他留係屋企的放假活動啦：
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】帶您睇《Sun-Live演唱會2023》！↓
↓立即入U Lifestyle App參加活動贏走門票2張！↓
↓【社群送禮】派超市現金券！↓
↓ 分享優惠情報贏禮物！↓
評語